തിരിച്ചുകയറി സ്വര്‍ണവില

സംസ്ഥാനത്തെ സ്വര്‍ണ വിലയില്‍ ഇന്ന് ഉയര്‍ച്ച. ഇന്നലെ മാറ്റം രേഖപ്പെടുത്താതിരുന്ന സ്വര്‍ണ വില അതിനു മുന്‍പുള്ള രണ്ട് ദിവസങ്ങളിലും ഇടിഞ്ഞിരുന്നു. ഇന്ന് 22 കാരറ്റ് സ്വര്‍ണം 20 രൂപയുടെ വര്‍ധനയോടെ ഗ്രാമിന് 5515 രൂപയാണ്. പവന് 44,120 രൂപയാണ് , 160 രൂപയുടെ വര്‍ധന. കഴിഞ്ഞ രണ്ടാഴ്ചയായി ഉയര്‍ന്നും താഴ്ന്നും നീങ്ങുകയാണ് സ്വര്‍ണ വില. ഇന്ന് 24 കാരറ്റ് സ്വര്‍ണം ഗ്രാമിന്‍റെ വില 21 രൂപയുടെ വര്‍ധനയോടെ 6016 രൂപയിലെത്തി. പവന് 48,128 രൂപയാണ് ഇന്നത്തെ വില , ഇന്നലത്തെ വിലയില്‍ നിന്ന് 168 രൂപയുടെ വില. ഔണ്‍സിന് 1958 .81 ഡോളര്‍ (04 Aug, 2023 | 21:37 IST) എന്ന തലത്തിലാണ് ആഗോള തലത്തില്‍ സ്വര്‍ണവില പുരോഗമിക്കുന്നത്.

മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണയുള്ള ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്. ഇത് ഓഗസ്റ്റിലും തുടരുകയാണ്.

സംസ്ഥാനത്തെ വെള്ളിവിലയിലും ഇന്ന് വര്‍ധന പ്രകടമായി. വെള്ളി വില ഗ്രാമിന് 0.30 രൂപയുടെ വര്‍ധനയോടെ 78.50 രൂപയില്‍ എത്തി. 8 ഗ്രാം വെള്ളിക്ക് 628 രൂപയാണ് വില, 2.40 രൂപയുടെ. ഇന്ന് ഡോളറിനെതിരേ രൂപയുടെ മൂല്യം ഉയര്‍ന്നു. 1 ഡോളറിന് 82.68 രൂപ എന്ന മൂല്യത്തിലാണ് ഇന്ത്യയിലെ വിനിമയം നടക്കുന്നത്.