Login 
പഠിക്കാം & സമ്പാദിക്കാം 
Home
8 March 2022 7:37 AM GMT
Summary
മുംബൈ: ഇന്ന് വിപണി അവസാനിക്കുമ്പോള്‍ ഡോളറിനെതിരെ രൂപയുടെ മൂല്യം മൂന്ന് പൈസ ഉയര്‍ന്ന് 76.90 ല്‍ എത്തി. ഡോളര്‍ ദുര്‍ബലമായതും ആഭ്യന്തര ഓഹരികള്‍ മുന്നേറ്റം നടത്തിയതുമാണ് രൂപയുടെ വര്‍ധനവിന് കാരണമായത്. ഇന്റര്‍ ബാങ്ക് വിദേശ വിനിമയ വിപണിയില്‍, ഡോളറിനെതിരെ 77.02 എന്ന നിലയിലാണ് വിപണി ആരംഭിച്ചത്. എന്നാല്‍ ഇടപാട് വേളകളില്‍ ഇത് 76.71 ലേക്ക് ഉയരുകയും 77.05 ലേക്ക് താഴുകയും ചെയ്തിരുന്നു. തിങ്കളാഴ്ച, തുടര്‍ച്ചയായ നാലാം സെഷനിലും രൂപയുടെ മൂല്യം 76 പൈസ ഇടിഞ്ഞ് 76.93 എന്ന […]
മുംബൈ: ഇന്ന് വിപണി അവസാനിക്കുമ്പോള്‍ ഡോളറിനെതിരെ രൂപയുടെ മൂല്യം മൂന്ന് പൈസ ഉയര്‍ന്ന് 76.90 ല്‍ എത്തി. ഡോളര്‍ ദുര്‍ബലമായതും ആഭ്യന്തര ഓഹരികള്‍ മുന്നേറ്റം നടത്തിയതുമാണ് രൂപയുടെ വര്‍ധനവിന് കാരണമായത്.
ഇന്റര്‍ ബാങ്ക് വിദേശ വിനിമയ വിപണിയില്‍, ഡോളറിനെതിരെ 77.02 എന്ന നിലയിലാണ് വിപണി ആരംഭിച്ചത്. എന്നാല്‍ ഇടപാട് വേളകളില്‍ ഇത് 76.71 ലേക്ക് ഉയരുകയും 77.05 ലേക്ക് താഴുകയും ചെയ്തിരുന്നു.
തിങ്കളാഴ്ച, തുടര്‍ച്ചയായ നാലാം സെഷനിലും രൂപയുടെ മൂല്യം 76 പൈസ ഇടിഞ്ഞ് 76.93 എന്ന നിലയിലാണ് ക്ലോസ് ചെയ്തത്. യുഎസ് ഡോളറിനെതിരെ 77 എന്ന ഏറ്റവും താഴ്ന്ന നിലയിലെത്തി. റഷ്യ-യുക്രെയ്ന്‍ യുദ്ധവും തുടര്‍ന്നുള്ള ക്രൂഡ് ഓയില്‍ വിലക്കയറ്റവും വിപണിയിലെ മാറ്റങ്ങള്‍ക്ക് ഹേതുവായി.
അതേസമയം, യുദ്ധം രൂക്ഷമായതിനാല്‍, വിപണിയിലെ അപകടസാധ്യത കുറയുകയും നിക്ഷേപകരെ സുരക്ഷിതമായ ആസ്തികളിലേക്ക് നയിക്കുകയും ചെയ്തതിനാല്‍ രൂപയുടെ മൂല്യം പരിമിതമാണെന്ന് വിദേശ വ്യാപാരികള്‍ പറഞ്ഞു.
എന്നാല്‍, യൂറോ, സ്വിസ് ഫ്രാങ്ക്, ജാപ്പനീസ് യെന്‍, കനേഡിയന്‍ ഡോളര്‍, ബ്രിട്ടീഷ് പൗണ്ട്, സ്വീഡിഷ് ക്രോണ എന്നീ കറന്‍സികള്‍ക്കെതിരെ ഡോളര്‍ 0.18 ശതമാനം ഇടിഞ്ഞ് 99.11 ആയി.
ആഭ്യന്തര ഓഹരി വിപണിയില്‍, സെന്‍സെക്സ് 581.34 പോയിന്റ് അഥവാ 1.10 ശതമാനം ഉയര്‍ന്ന് 53,424.09 ലും, നിഫ്റ്റി 150.30 പോയിന്റ് അല്ലെങ്കില്‍ 0.95 ശതമാനം ഉയര്‍ന്ന് 16,013.45 ലും അവസാനിച്ചു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഫ്യൂച്ചര്‍ ബാരലിന് 2.73 ശതമാനം ഉയര്‍ന്ന് 126.57 ഡോളറിലെത്തി.
സ്റ്റോക്ക് എക്‌സ്‌ചേഞ്ച് ഡാറ്റ പ്രകാരം 7,482.08 കോടി രൂപയുടെ ഓഹരികള്‍ വിറ്റഴിച്ചതിലൂടെ വിദേശ നിക്ഷേപകര്‍ തിങ്കളാഴ്ചയും മൂലധന വിപണിയിലെ മൊത്ത വില്‍പ്പനക്കാരായി തുടര്‍ന്നു.
Rupee inches 3 paise higher to 76.90 against US dollar
