9 ടോപ് 10 കമ്പനികള്‍ വിപണി മൂല്യത്തില്‍ കൂട്ടിച്ചേര്‍ത്തത് 1.30 ലക്ഷം കോടി രൂപ

രാജ്യത്ത് ഓഹരി വിപണി മൂല്യത്തില്‍ ഏറ്റവും മുന്നില്‍ നില്‍ക്കുന്ന 10 കമ്പനികളുടെ മൊത്തം വിപണി മൂല്യത്തില്‍ കഴിഞ്ഞയാഴ്ച ഉണ്ടായത് 1,30,391.96 കോടി രൂപയുടെ വര്‍ധന. കഴിഞ്ഞയാഴ്ച ബിഎസ്ഇ ബെഞ്ച്മാർക്ക് 1,511.15 പോയിന്റ് അഥവാ 2.29 ശതമാനം ഉയർന്നു. വ

റിലയൻസ് ഇൻഡസ്ട്രീസ് മാത്രമാണ് എംക്യാപില്‍ ഇടിവ് രേഖപ്പെടുത്തിയത്. എച്ച്‌ഡിഎഫ്‌സി ബാങ്ക്, ഐസിഐസിഐ ബാങ്ക്, ഇൻഫോസിസ്, ഹിന്ദുസ്ഥാൻ യുണിലിവർ എന്നിവയുൾപ്പെടെ ഒമ്പത് കമ്പനികൾ വിപണി മൂല്യത്തിൽ വർദ്ധനവ് രേഖപ്പെടുത്തി. വലിയ നേട്ടം കൈവരിച്ചത് എയര്‍ടെല്ലും ടിസിഎസുമാണ്.

ഭാരതി എയർടെല്ലിന്റെ മൂല്യം 23,746.04 കോടി രൂപ ഉയർന്ന് 5,70,466.88 കോടി രൂപയായി. ടിസിഎസിന്റെ എംക്യാപ് 19,027.07 കോടി രൂപ ഉയർന്ന് 12,84,180.67 കോടി രൂപയിലെത്തി. എച്ച്‌ഡിഎഫ്‌സി ബാങ്ക് 17,881.88 കോടി രൂപ കൂട്ടിച്ചേര്‍ത്തതോടെ വിപണി മൂല്യം 11,80,588.59 കോടി രൂപയായി.

ഐടിസിയുടെ എംക്യാപ് 15,159.02 കോടി രൂപ ഉയർന്ന് 5,61,159.09 കോടി രൂപയായും ബജാജ് ഫിനാൻസിന്‍റെ മൂല്യം 14,480.29 കോടി രൂപ ഉയർന്ന് 4,48,446.82 കോടി രൂപയായും മാറി. ഐസിഐസിഐ ബാങ്കിന്റെ മൂല്യം 12,085.42 കോടി രൂപ ഉയർന്ന് 6,63,370.71 കോടി രൂപയില്‍ എത്തിയപ്പോള്‍ ഹിന്ദുസ്ഥാൻ യൂണിലിവറിന്റെ മൂല്യം 11,348.53 കോടി രൂപ ഉയർന്ന് 6,02,258.98 കോടി രൂപയില്‍ എത്തി.

സ്റ്റേറ്റ് ബാങ്ക് ഓഫ് ഇന്ത്യയുടെ മൂല്യം 10,307.92 കോടി രൂപ ഉയർന്ന് 5,10,353.93 കോടി രൂപയായും ഇൻഫോസിസിന്റെ മൂല്യം 6,355.79 കോടി രൂപ ഉയർന്ന് 6,02,747.01 കോടി രൂപയായും മാറി.

എന്നിരുന്നാലും, റിലയൻസ് ഇൻഡസ്ട്രീസിന്റെ വിപണി മൂല്യം 574.95 കോടി രൂപ കുറഞ്ഞ് 16,19,332.44 കോടി രൂപയായി.

ആദ്യ 10 സ്ഥാപനങ്ങളുടെ റാങ്കിംഗിൽ, റിലയൻസ് ഇൻഡസ്ട്രീസ് ഏറ്റവും മൂല്യമുള്ള സ്ഥാപനം എന്ന പദവി നിലനിർത്തി. ടിസിഎസ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഇൻഫോസിസ്, ഹിന്ദുസ്ഥാൻ യുണിലിവർ, ഭാരതി എയർടെൽ, ഐടിസി, സ്റ്റേറ്റ് ബാങ്ക് ഓഫ് ഇന്ത്യ, ബജാജ് ഫിനാൻസ് എന്നിവ യഥാക്രമം തൊട്ടുപിന്നിലുള്ള സ്ഥാനങ്ങളില്‍ വരുന്നു.