Login 
പഠിക്കാം & സമ്പാദിക്കാം 
Home
25 Oct 2023 10:38 AM GMT
Summary
- തട്ടിപ്പിന്റെ വലിപ്പം 30ദശലക്ഷം ഡോളര്‍
- ബിസിനസ് നടത്തിയത് ഡാര്‍ക്ക്‌നെറ്റ് വഴി
- തട്ടിപ്പുനടന്നത് 2021 ജൂലൈ മുതല്‍ 2023 സെപറ്റംബര്‍ വരെ
ദശലക്ഷക്കണക്കിന് ഡോളറിന്റെ ക്രിപ്‌റ്റോകറന്‍സി തട്ടിപ്പിപ്പില്‍ ആറ് ഇന്ത്യക്കാര്‍ക്കെതിരെ യുഎസ് എഫ്ബിഐ കുറ്റം ചുമത്തിയതായി മാധ്യമങ്ങള്‍ റിപ്പോര്‍ട്ട് ചെയ്യുന്നു. ശൈലേഷ്‌കുമാര്‍ ഗോയാനി, ബ്രിജേഷ്‌കുമാര്‍ പട്ടേല്‍, ഹിരന്‍കുമാര്‍ പട്ടേല്‍, നൈനേഷ്‌കുമാര്‍ പട്ടേല്‍, നിലേഷ്‌കുമാര്‍ പട്ടേല്‍, രാജു പട്ടേല്‍ എന്നിവര്‍ ക്രിപ്റ്റോകറന്സികള് ഉപയോഗിച്ച് അനധികൃതമായി 30 ദശലക്ഷം ഡോളര്‍ പണം കൈമാറ്റം ചെയ്യുന്ന ബിസിനസ് നടത്തിയതായി കോയിന്‍ഡെസ്‌ക് റിപ്പോര്‍ട്ട് പറയുന്നു.
എഫ്ബിഐയുടെ അന്വേഷണമനുസരിച്ച്, 2021 ജൂലൈ മുതല്‍ 2023 സെപറ്റംബര്‍ വരെ ബിറ്റ്‌കോയിന്‍ അല്ലെങ്കില്‍ മറ്റ് ക്രിപ്റ്റോകറന്സികള് പണമാക്കി മാറ്റാന്‍ ഡാര്‍ക്ക്‌നെറ്റ് ഉപയോഗിച്ച് ബിസിനസ് നടത്തി.
ബിറ്റ്കോയിനും മറ്റ് ക്രിപ്റ്റോകറന്‍സിക്കും പകരമായി യുഎസ് പോസ്റ്റല്‍ സര്‍വീസ് വഴി പണം അയയ്ക്കാന്‍ ഒരു സേവനം വാഗ്ദാനം ചെയ്ത ഒന്നിലധികം ഡാര്‍ക്ക് വെബ് മാര്‍ക്കറ്റുകളിലെ ഒരു വെണ്ടറെ ഉദ്യോഗസ്ഥരില്‍ ഒരാള്‍ തിരിച്ചറിഞ്ഞപ്പോള്‍ 2021 ഏപ്രിലില്‍ എഫ്ബിഐ അന്വേഷണം ആരംഭിച്ചു.ന്യൂയോര്‍ക്കിലെ വെസ്റ്റ് ചെസ്റ്റര്‍ കൗണ്ടിയിലെ ഒരു പോസ്റ്റ് ഓഫീസില്‍ നിന്ന് പണത്തിന്റെ പൊതികള്‍ അയച്ചുകൊണ്ടിരുന്ന ഒരു വ്യക്തിയെ നിയമപാലകര്‍ അറസ്റ്റ് ചെയ്തതായി കോടതി രേഖയെ ഉദ്ധരിച്ച് ഒരു മാധ്യമ റിപ്പോര്‍ട്ട് പറയുന്നു.
ആഴ്ചയില്‍ മൂന്ന് തവണ ആളുകളെ കാണുകയും ഓരോ തവണയും ഒരുലക്ഷം ഡോളര്‍ മുതല്‍ മൂന്നുലക്ഷം ഡോളര്‍ വരെ തുക കൈപ്പറ്റുകയും ചെയ്താണ് പണം നേടിയത്. ലൊക്കേഷനുകള്‍ ചര്‍ച്ച ചെയ്തത് ടെലിഗ്രാമിലും വാട്‌സാപ്പിലുമാണ്.
എഫ്ബിഐ അന്വേഷണത്തില്‍ ഒരാള്‍ ന്യൂയോര്‍ക്കിന് പുറത്ത് ന്യൂജേഴ്സി, മസാച്യുസെറ്റ്സ്, ജോര്‍ജിയ, പെന്‍സില്‍വാനിയ എന്നിവയുള്‍പ്പെടെ പതിവായി യാത്രകള്‍ നടത്തിയിരുന്നതായി കണ്ടെത്തി. മറ്റൊരു രണ്ട് പേര്‍ സൗത്ത് കരോലിനയിലേക്കും തിരിച്ചും യാത്രകള്‍ നടത്തി.
തന്റെ ഏറ്റവും സമ്പന്നരായ ഇടപാടുകാര്‍ ഹാക്കര്‍മാരാണെന്നും ചിലര്‍ മയക്കുമരുന്ന് വിറ്റ് പണം സമ്പാദിച്ചവരാണെന്നും അറസ്റ്റിലായവരില്‍ ഒരാള്‍ ഏജന്‍സിയോട് പറഞ്ഞു.
ഒരു അനൗപചാരിക മൂല്യ കൈമാറ്റ ശൃംഖലയിലൂടെ അനധികൃതമായി പണം കൈമാറാന്‍ ആറ് ഇന്ത്യക്കാരും ഗൂഢാലോചന നടത്തിയിരുന്നതായും കോയിന്‍ഡെസ്‌ക് കൂട്ടിച്ചേര്‍ത്തു.
