ഓണക്കാലത്ത് 30% വളര്‍ച്ച ലക്ഷ്യമിട്ട് ഗോദ്റെജ്

ഓണത്തിന് കേരളത്തിലെ ഉപഭോക്താക്കള്‍ക്കായി ഗോദ്റെജ് അപ്ലയന്‍സസ് പുതിയ ഹോം അപ്ലയന്‍സസ് ശ്രേണി പുറത്തിറക്കി. ഗോദ്റെജ് ഗ്രൂപ്പിന്‍റെ കമ്പനിയായ ഗോദ്റെജ് ആന്‍ഡ് ബോയ്സിന്‍റെ ബിസിനസ് യൂണിറ്റാണ് പുതിയ ശ്രേണി വിപണിയിലെത്തിച്ചിരിക്കുന്നത്. പുതിയ സൈഡ്-ബൈ-സൈഡ് റഫ്രിജറേറ്ററുകള്‍, ജേം ഷീല്‍ഡ് സാങ്കേതിക വിദ്യയോടു കൂടിയ ടോപ് ലോഡ് വാഷിംഗ് മെഷീനുകള്‍, ഡിസ് ഇന്‍ഫെക്ഷനോടുകൂടിയ ഗ്ലാസ് ഡോര്‍ ഫ്രോസ്റ്റ് ഫ്രീ റഫ്രിജറേറ്ററുകളുടെ പുതിയ ശ്രേണിയായ ഇയോ, ക്രിസ്റ്റല്‍, സെമി ഓട്ടോമാറ്റിക് വാഷിംഗ് മെഷീനുകളുടെയും ഡീപ് ഫ്രീസറുകളുടെയും പുതിയ ശ്രേണികള്‍ തുടങ്ങിയവയാണ് പുറത്തിറക്കിയിരിക്കുന്നത്.

പ്രമേഹരോഗികൾക്ക് ഇന്‍സുലിന്‍ സൂക്ഷിക്കാനുള്ള രണ്ടു മുതല്‍ എട്ടു ഡിഗ്രി വരെ സെല്‍ഷ്യസ് താപനില നിലനിര്‍ത്തുന്നതും കൊണ്ടുനടക്കാവുന്നതുമായ ഗോദ്റേജ് ഇന്‍സുലികൂള്‍ എന്ന ഉല്‍പ്പന്നം ഇതിന് മുമ്പ് കമ്പനി അവതരിപ്പിച്ചിരുന്നു.

ഇതിനു പുറമേ ഉപഭോക്താക്കള്‍ക്ക് ഗോദ്റെജ് അപ്ലയന്‍സസ് വാങ്ങുമ്പോള്‍ ഓരോ ദിവസവും ഒരു ലക്ഷം രൂപ വരെ ക്യാഷ് പ്രൈസ് നല്‍കുന്ന ‘ലക്കി ലക്ഷപ്രഭു’ എന്ന വാര്‍ഷിക ഓണം കണ്‍സ്യൂമര്‍ ഓഫറും പ്രഖ്യാപിച്ചു. ഡൗണ്‍ പെയ്മെന്‍റ് ഇല്ലാത്തതും ലളിതമായ ഇഎംഐ ഉള്ളതുമായ മറ്റ് വായ്പാ പദ്ധതികളും അവതരിപ്പിച്ചു.

പൊതുവായുള്ള വിഭാഗങ്ങളെ അപേക്ഷിച്ച് ഫ്രോസ്റ്റ് ഫ്രീ റഫ്രിജറേറ്ററുകള്‍, ഫുള്ളി ഓട്ടോമാറ്റിക് വാഷിംഗ് മെഷീനുകള്‍, എയര്‍ കണ്ടീഷണറുകള്‍, മൈക്രോവേവ് അവനുകള്‍ തുടങ്ങിയ മികച്ച പ്രകടനം കാഴ്ചവെക്കുന്നുവെന്ന് ഗോദ്റെജ് അപ്ലയന്‍സസ് ബിസിനസ് മേധാവിയും എക്സിക്യൂട്ടീവ് വൈസ് പ്രസിഡന്‍റുമായ കമല്‍ നന്തി പറഞ്ഞു. ഹോം അപ്ലയന്‍സസ് വ്യവസായത്തെ സംബന്ധിച്ച് പുതിയ ഉത്സവ സീസണിന്‍റെ സൂചനകളാണ് ഓണം വില്‍പ്പനയെന്ന് ഗോദ്റെജ് അപ്ലയന്‍സസ് ദേശീയ വിപണന വിഭാഗം മേധാവി സഞ്ജീവ് ജെയിന്‍ പറഞ്ഞു.

2022 ആഗസ്റ്റ് ഒന്നു മുതല്‍ 2022 സെപ്റ്റംബര്‍ 10 വരെ കേരളത്തിനു മാത്രമായിട്ടാവും ലക്കി ലക്ഷപ്രഭു ആനുകൂല്യം അവതരിപ്പിക്കുക. ഓരോ വാങ്ങലിനും ഒപ്പം ഉല്‍പ്പന്നത്തിലുള്ള ക്യുആര്‍ കോഡ് ഉപയോഗിച്ചോ മിസ്ഡ് കോള്‍ വഴിയോ രജിസ്ട്രേഷന്‍ നടത്താനാവും.