അമേരിക്കൻ സാമ്പത്തിക വിപണിയിൽ നിക്ഷേപിക്കാം

അമേരിക്കയിലെ പ്രസിഡന്റ് തിരഞ്ഞെടുപ്പിനു ശേഷം അമേരിക്കൻ സാമ്പത്തിക വിപണിയിൽ കാര്യമായ മാറ്റങ്ങൾ ഉണ്ടായിട്ടുണ്ട്. ഡൊണാൾഡ് ട്രംപ് വീണ്ടും അധികാരത്തിലേക്കു വന്നതോടെ അമേരിക്കൻ സാമ്പത്തിക വിപണികൾ കുതിച്ചുയർന്നിരിക്കുകയാണ്. ഈ അവസരം മുതലാക്കി നിക്ഷേപകർക്ക് അമേരിക്കൻ സ്റ്റോക്ക് മാർക്കറ്റിൽ നിക്ഷേപം നടത്താം.

അമേരിക്കൻ സ്റ്റോക്കുകളിൽ നിക്ഷേപിക്കുന്നതിനുള്ള മാർഗങ്ങൾ

നേരിട്ടുള്ള നിക്ഷേപം: ഇന്ത്യയിലെ ചില ബ്രോക്കർമാർ അമേരിക്കൻ ബ്രോക്കർമാരുമായി സഹകരിച്ച് അമേരിക്കൻ സ്റ്റോക്ക് മാർക്കറ്റിൽ നേരിട്ട് നിക്ഷേപിക്കാനുള്ള സൗകര്യം ഒരുക്കുന്നുണ്ട്. എന്നാൽ ഈ രീതിയിൽ നിക്ഷേപം നടത്തുന്നത് ചെലവേറിയതാണ്. കൂടാതെ, ഇന്ത്യൻ രൂപയെ അമേരിക്കൻ ഡോളറാക്കി മാറ്റുന്നതിനും തിരികെ മാറ്റുന്നതിനും ചിലവ് വരും.

പരോക്ഷ നിക്ഷേപം: മ്യൂച്വൽ ഫണ്ടുകൾ: ഇന്ത്യയിലെ ചില മ്യൂച്വൽ ഫണ്ടുകൾ അമേരിക്കൻ സ്റ്റോക്കുകളിൽ നിക്ഷേപിക്കുന്നു. ഇത്തരം ഫണ്ടുകളിൽ നിക്ഷേപിക്കുന്നത് പരോക്ഷമായി അമേരിക്കൻ സ്റ്റോക്ക് മാർക്കറ്റിൽ നിക്ഷേപം നടത്തുന്നതിന് സഹായിക്കും.

ഇടിഎഫുകൾ /മ്യൂച്വൽ ഫണ്ടുകൾ വഴി പരോക്ഷമായി നിക്ഷേപം: യുഎസ് സ്റ്റോക്കുകളിലോ ബെഞ്ച്മാർക്ക് സൂചികയിലോ നിക്ഷേപിക്കുന്ന ചില മ്യൂച്വൽ ഫണ്ട് സ്കീമുകളുടെ യൂണിറ്റുകൾ നിങ്ങൾക്ക് വാങ്ങാം. വിദേശ വിപണികളിൽ നിക്ഷേപിക്കുന്ന ചില മ്യൂച്വൽ ഫണ്ടുകളുണ്ട്. ഇതിൽ ഐസിഐസിഐ പ്രുഡൻഷ്യൽ യുഎസ് ബ്ലൂചിപ്പ് ഇക്വിറ്റി ഫണ്ട്, എഡൽവീസ് യുഎസ് വാല്യു ഇക്വിറ്റി ഓഫ്‌ഷോർ ഫണ്ട്, ഡിഎസ്പി ഗ്ലോബൽ അലോക്കേഷൻ എഫ്ഒഎഫ് എന്നിവ ഉൾപ്പെടുന്നു.

യുഎസ് മ്യൂച്വൽ ഫണ്ടുകൾ/യൂണിറ്റ് ട്രസ്റ്റുകളിൽ നിക്ഷേപം: ഇന്ത്യൻ മ്യൂച്വൽ ഫണ്ടുകൾ വിദേശ സെക്യൂരിറ്റികളിൽ നിക്ഷേപിക്കാൻ അനുവദിക്കുന്നതുമായി ബന്ധപ്പെട്ട്, 2024 ജൂൺ 27-ന് സെബി ഒരു മാസ്റ്റർ സർക്കുലർ പുറത്തിറക്കിയിരുന്നു.

നിക്ഷേപത്തെ സംബന്ധിച്ച പ്രധാന കാര്യങ്ങൾ

LRS പരിധി: ഇന്ത്യയിൽ നിന്ന് വിദേശത്തേക്ക് പണം അയയ്ക്കുന്നതിന് ലിബറലൈസ്ഡ് റെമിറ്റൻസ് സ്കീം (LRS) പരിധി ബാധകമാണ്. ഒരു വർഷത്തിൽ 2,50,000 അമേരിക്കൻ ഡോളർ വരെ അയയ്ക്കാം.

TCS: ഒരു വർഷത്തിൽ 7,00,000 രൂപയിൽ കൂടുതൽ വിദേശത്തേക്ക് അയയ്ക്കുന്നതിന് 5% Tax Collected at Source (TCS) ബാധകമാണ്.

അമേരിക്കൻ സ്റ്റോക്ക് മാർക്കറ്റിൽ നിക്ഷേപം നടത്തുന്നതിന് മുൻപ്, സാമ്പത്തിക ഉപദേശകരുടെ സഹായം തേടുന്നത് നല്ലതാണ്.