ടി വി എസ് സപ്ലൈ ചെയിൻ സൊല്യൂഷൻ ഇഷ്യൂ :2.78 ഇരട്ടി അപേക്ഷകൾ

ടി വി എസ് സപ്ലൈ ചെയിൻ സൊല്യൂഷൻസിന്റെ കന്നി ഇഷ്യു അവസാന ദിവസമായ ഓഗസ്റ്റ് 14 ന് 2.78 ഇരട്ടി അപേക്ഷകൾ കിട്ടി. 2.51 കോടി ഓഹരികള്‍ക്ക് 6.98 കോടി അപേക്ഷകളാണ് വന്നത്. പ്രൈസ് ബാൻഡ് 187-197 രൂപയാണ്.

ഉയർന്ന പ്രൈസ് ബാൻഡിൽ പബ്ലിക് ഇഷ്യൂ വഴി 880 കോടി രൂപ സമാഹരിക്കാനാണ് ലോജിസ്റ്റിക് സേവന കമ്പനി ഉദ്ദേശിക്കുന്നത്. കമ്പനി 600 കോടി രൂപയുടെ പുതിയ ഓഹരികളും 22 ഷെയർഹോൾഡർമാരുടെ 280 കോടി രൂപയുടെ വിൽപ്പനയ്ക്കുള്ള ഓഫറും ഇതിൽ ഉൾപ്പെടുന്നു.

അലോട്ട്‌മെന്‍റ് ഓഗസ്റ്റ് 18-നകം അന്തിമമാക്കും. യോഗ്യരായ നിക്ഷേപകർക്ക് ഓഗസ്റ്റ് 22-നകം അവരുടെ ഡീമാറ്റ് അക്കൗണ്ടുകളിൽ ഓഹരികൾ ലഭിക്കും, റീഫണ്ടുകൾ നിക്ഷേപകരുടെ ബാങ്ക് അക്കൗണ്ടുകളിലേക്ക് ഓഗസ്റ്റ് 21-നകം ക്രെഡിറ്റ് ചെയ്യും. ലിസ്റ്റിംഗ് ഓഗസ്റ്റ് 24ന് ബിഎസ്ഇയിലും എൻഎസ്ഇയിലും നടക്കും.