Login 
പഠിക്കാം & സമ്പാദിക്കാം 
Home
24 Jan 2024 11:58 AM GMT
Summary
- ഉല്‍പ്പന്ന മെച്ചപ്പെടുത്തലിന് പുറമേ, ബ്രാന്‍ഡിംഗ് നവീകരണത്തിലും കമ്പനി ശ്രദ്ധ കേന്ദ്രീകരിക്കും.
- ചൈനീസ് നഗരമായ ഷെന്‍ഷെന്‍ ആസ്ഥാനമായി പ്രവര്‍ത്തിക്കുന്ന കമ്പനി കഴിഞ്ഞ വര്‍ഷം ഇന്ത്യയില് ഒരു ഗവേഷണ വികസന കേന്ദ്രം തുറന്നിരുന്നു.
- ആഗോളതലത്തില്‍ മികച്ച അഞ്ച് സ്മാര്‍ട്ട്‌ഫോണ്‍ ബ്രാന്‍ഡുകളിലേക്ക് എത്താന്‍ റിയല്‍മി ലക്ഷ്യമിടുന്നു.
ചൈനീസ് സ്മാർട്ട് ഫോണ്‍ നിര്‍മാതാക്കളായ റിയല്‍മിയുടെ വില്‍പ്പന 100 ദശലക്ഷം അതായത് 10 കോടി കടന്നു. ഇന്ത്യയില് അഞ്ച് വര്‍ഷം മുമ്പാണ് റിയല്‍മി എത്തുന്നത്. 2023 ലാണ് ഈ നേട്ടം കമ്പനി കരസ്ഥമാക്കിയത്. 2024 ല്‍ കമ്പനി പ്രകടനം, ഫോട്ടോഗ്രഫി, ഡിസൈന്‍ എന്നിവ മെച്ചപ്പെടുത്തുക എന്നിവയിലാണ് കൂടുതല്‍ ശ്രദ്ധ കേന്ദ്രീകരിക്കുന്നതെന്ന് കമ്പനിയുടെ വൈസ് പ്രസിഡന്റ് ചേസ് സൂ പറഞ്ഞു.
മൂന്ന് സീരീസ് സ്മാര്‍ട്ട് ഫോണുകളുമായാണ് റിയല്‍മി അതിന്റെ ഇത് വൈവിധ്യമാര്‍ന്ന വിപണി വിഭാഗത്തെ പ്രതിനിധീകരിക്കുന്നത്. മിതമായ നിരക്കില്‍ ഗുണനിലവാരം, രൂപകല്‍പ്പന, സാങ്കേതികവിദ്യ എന്നിവയില്‍ ശ്രദ്ധ കേന്ദ്രീകരിച്ചുള്ളതാണ് സി സീരീസ്, നൂതന ഫോട്ടോഗ്രാഫി ഓപ്ഷനുകളുള്ളതാണ് മിഡ് റേഞ്ച് വിഭാഗം കൂടുതല്‍ നൂതന സാങ്കേതികവിദ്യയില്‍ ശ്രദ്ധ കേന്ദ്രീകരിച്ച് ഉയര്‍ന്ന നിലവാരമുള്ള വിഭാഗത്തിലാണ് ജിടി സീരീസ് വരുന്നത്.
ഉല്‍പ്പന്ന മെച്ചപ്പെടുത്തലിന് പുറമേ, ബ്രാന്‍ഡിംഗ് നവീകരണത്തിലും കമ്പനി ശ്രദ്ധ കേന്ദ്രീകരിക്കും. യുവ ഉപഭോക്താക്കളുടെ ആവശ്യങ്ങളും മുന്‍ഗണനകളും പ്രത്യേകമായി നിറവേറ്റുന്ന ഒരു ടെക് ബ്രാന്‍ഡായി മാറാനാണ് ഇത് ലക്ഷ്യമിടുന്നതെന്ന് ചേസ് പറഞ്ഞു. ഉത്പന്ന നവീകരണത്തിന്റെയും ബ്രാന്‍ഡിംഗ് നവീകരണത്തിന്റെയും ഇരട്ട തന്ത്രം ഇന്ത്യന്‍ വിപണിയില്‍ ശക്തമായി തുടരാന്‍ കമ്പനിയെ സഹായിക്കും. 2024 ലെ വികസനതന്ത്രത്തെക്കുറിച്ച് സംസാരിച്ച ചേസ്, നവീകരണത്തിനായി 30 സാങ്കേതിക പങ്കാളികളുമായി സഹകരിക്കുമെന്നും. ഗവേഷണ, വികസനത്തിലും (ആര്‍ & ഡി) വന്‍ നിക്ഷേപം നടത്താനും റിയല്‍മി ആഗ്രഹിക്കുന്നുവെന്നും അദ്ദേഹം അഭിപ്രായപ്പെട്ടു.
ചൈനീസ് നഗരമായ ഷെന്‍ഷെന്‍ ആസ്ഥാനമായി പ്രവര്‍ത്തിക്കുന്ന കമ്പനി ഉപഭോക്തൃ ഇന്‍പുട്ട് ശേഖരിക്കുന്നതിനും ഏകോപിപ്പിക്കുന്നതിനുമായി കഴിഞ്ഞ വര്‍ഷം ഇന്ത്യയില് ഒരു ഗവേഷണ വികസന കേന്ദ്രം തുറന്നിരുന്നു. ഇത് ഇന്ത്യയില് 13,000 തൊഴിലവസരങ്ങള് സൃഷ്ടിക്കുന്നതിന് കാരണമായി. 'മെയ്ക്ക് ഇന്‍ ഇന്ത്യ'യെ പിന്തുണയ്ക്കുന്നതിനും പ്രാദേശികവല്‍ക്കരണത്തെ പിന്തുണയ്ക്കുന്നതിനുമുള്ള നീക്കമാണിതെന്നും ചേസ് പറഞ്ഞു.
ഇന്ത്യയില് 5ജി സാങ്കേതികവിദ്യയെ ജനാധിപത്യവല്‍ക്കരിക്കാന്‍ റിയല്‍മി പ്രതിജ്ഞാബദ്ധമാണെന്നും 5 ജി ഉല്‍പ്പന്നങ്ങള്‍ക്ക് ആളുകള്‍ക്കിടയില്‍ വര്‍ദ്ധിച്ചുവരുന്ന മുന്‍ഗണന അംഗീകരിക്കുന്നുവെന്നും അഭിപ്രായപ്പെട്ട ചേസ് സ്മാര്‍ട്ട്‌ഫോണുകളിലെ ആര്‍ട്ടിഫിഷ്യല്‍ ഇന്റലിജന്‍സ് സംയോജനം മുന്നോട്ട് പോകുന്ന ഒരു സാധാരണ സവിശേഷതയായി മാറുമെന്നും മൊത്തത്തിലുള്ള ഉപഭോക്തൃ അനുഭവം ഗണ്യമായി വര്‍ദ്ധിപ്പിക്കുകയും മെച്ചപ്പെടുത്തുകയും ചെയ്യുമെന്നും അദ്ദേഹം അഭിപ്രായപ്പെട്ടു.
ആഗോളതലത്തില്‍ മികച്ച അഞ്ച് സ്മാര്‍ട്ട്‌ഫോണ്‍ ബ്രാന്‍ഡുകളിലേക്ക് എത്താന്‍ റിയല്‍മി ലക്ഷ്യമിടുന്നു. നിലവില്‍, ആഗോള റാങ്കിംഗില്‍ ആറാം സ്ഥാനത്താണ് ഇന്ത്യ. ഇത് നേടുന്നതിന്, ഉത്പന്ന മികവ്, ബ്രാന്‍ഡ് മെച്ചപ്പെടുത്തല്‍, സാങ്കേതിക മുന്നേറ്റം എന്നീ മൂന്ന് മേഖലകളില്‍ ശ്രമങ്ങള്‍ നടത്തേണ്ടതുണ്ടെന്നും ചേസ് പറഞ്ഞു.
