Login 
പഠിക്കാം & സമ്പാദിക്കാം 
Home
20 July 2024 11:34 AM GMT
Summary
- കാത്തിരിക്കുന്നത് റിയല്‍ എസ്റ്റേറ്റ് മേഖലയുടെ വളര്‍ച്ചക്ക് അനുകൂലമായ ബജറ്റിനായി
- ക്രെഡിറ്റ് ലിങ്ക്ഡ് സബ്സിഡി സ്‌കീം പുനരാരംഭിക്കണം
- താങ്ങാനാവുന്ന ഭവനങ്ങളുടെ നിര്‍മ്മാണം വര്‍ധിപ്പിക്കുക
വീട് വാങ്ങുന്നവര്‍ക്ക് കൂടുതല്‍ നികുതി ആനുകൂല്യങ്ങള്‍ നല്‍കണമെന്ന് റിയല്‍റ്റേഴ്സ് ബോഡി ക്രെഡായി സര്‍ക്കാരിനോട് അഭ്യര്‍ത്ഥിച്ചു. കുറഞ്ഞ ചെലവില്‍ വീടുകള്‍ നിര്‍മ്മിക്കുന്നതിന് ബില്‍ഡര്‍മാര്‍ക്ക് ഇന്‍സെന്റീവ് നല്‍കണമെന്നും ബജറ്റില്‍ റിയല്‍ എസ്റ്റേറ്റ് പദ്ധതികള്‍ ഏറ്റെടുക്കുന്നതിനുള്ള അനുമതി പ്രക്രിയ കാര്യക്ഷമമാക്കണമെന്നും ക്രെഡായി അഭ്യര്‍ത്ഥിച്ചിട്ടുണ്ട്.
റിയല്‍ എസ്റ്റേറ്റ് മേഖലയുടെ കൂടുതല്‍ വളര്‍ച്ചയ്ക്കായി സര്‍ക്കാരിന് വിവിധ ശുപാര്‍ശകള്‍ നല്‍കിയിട്ടുണ്ടെന്ന് ക്രെഡായി പ്രസ്താവനയില്‍ പറഞ്ഞു. താങ്ങാനാവുന്ന ഭവന പദ്ധതികളില്‍ നിക്ഷേപിക്കുന്ന ഡെവലപ്പര്‍മാര്‍ക്ക് കാര്യക്ഷമമായ അംഗീകാര പ്രക്രിയകളും സബ്സിഡിയും പോലുള്ള നടപടികളുടെ പ്രാധാന്യം ഈ ശുപാര്‍ശകള്‍ ഊന്നിപ്പറയുന്നതായി അസോസിയേഷന്‍ പറഞ്ഞു.
ഇന്ത്യന്‍ റിയല്‍ എസ്റ്റേറ്റ് മേഖല ചില ദീര്‍ഘകാല വെല്ലുവിളികളെ അഭിസംബോധന ചെയ്യുകയും സുസ്ഥിരമായ വളര്‍ച്ചയ്ക്ക് വേദിയൊരുക്കുകയും ചെയ്യുന്ന ഒരു ബജറ്റിനായി കാത്തിരിക്കുകയാണെന്ന് പ്രസ്താവന പറയുന്നു.
വീട് വാങ്ങുന്നവര്‍ക്കുള്ള പലിശ ഇളവ് വര്‍ധിപ്പിക്കുക, സി എല്‍ എസ് എസ് (ക്രെഡിറ്റ് ലിങ്ക്ഡ് സബ്സിഡി സ്‌കീം) പുനരാരംഭിക്കുക, താങ്ങാനാവുന്ന ഭവനങ്ങള്‍ വര്‍ധിപ്പിക്കുന്നതിന് ആവശ്യമായ നടപടികള്‍ സ്വീകരിക്കുക എന്നിവ തങ്ങളുടെ ശുപാര്‍ശകളില്‍ ഉള്‍പ്പടുന്നതായി ക്രെഡായി പ്രസിഡന്റ് ബൊമന്‍ ഇറാനി പറഞ്ഞു.
വീട് വാങ്ങുന്നത് വര്‍ധിപ്പ്ിക്കുന്നതിന് ആദ്യം സ്വയം കൈവശപ്പെടുത്തിയ വസ്തുവിന് പരിധിയില്ലാത്ത പലിശ കിഴിവ് അനുവദിക്കുന്നതിനെക്കുറിച്ചോ അല്ലെങ്കില്‍ കിഴിവ് പരിധി നിലവില്‍ 2 ലക്ഷം രൂപയില്‍ നിന്ന് 5 ലക്ഷമായി ഉയര്‍ത്തുന്നതിനെക്കുറിച്ചോ ധനമന്ത്രാലയം പരിഗണിക്കണമെന്ന് ക്രെഡായി പറഞ്ഞു.
ഈ മേഖലയ്ക്ക് വ്യവസായ പദവി സര്‍ക്കാര്‍ നല്‍കണമെന്നും പകര്‍ച്ചവ്യാധി മുതല്‍ ബുദ്ധിമുട്ടുന്ന താങ്ങാനാവുന്ന ഭവന വിഭാഗത്തെ പുനരുജ്ജീവിപ്പിക്കാന്‍ ഫലപ്രദമായ നടപടികള്‍ കൈക്കൊള്ളണമെന്നും പ്രസ്താവനയില്‍ ആവശ്യപ്പെട്ടു
