Login 
പഠിക്കാം & സമ്പാദിക്കാം 
Home
25 Sep 2023 12:09 PM GMT
Summary
സമീപകാലത്ത് ബോക്‌സ് ഓഫീസില്‍ 500 കോടിക്കു മുകളില്‍ ഏതാനും ചിത്രങ്ങള്‍ കളക്റ്റ് ചെയ്തിരുന്നു
ആഗോളതലത്തില്‍ 1004.92 കോടി രൂപ ബോക്‌സ് ഓഫീസ് കളക്ഷനോടെ ' ജവാന്‍ ' റെക്കോര്‍ഡിട്ടു. സെപ്റ്റംബര്‍ 25-ന് ചിത്രം റിലീസ് ചെയ്തതിന്റെ 18-ാം നാളിലാണ് ഈ നേട്ടം കൈവരിച്ചത്.
ഒരു വര്‍ഷം 1000 കോടി ക്ലബ്ബിലേക്ക് പ്രവേശിച്ച ഷാരൂഖ് ഖാന്റെ രണ്ടാമത്തെ ചിത്രമാണ് ജവാന്‍. ഇതിനു മുന്‍പ് പത്താന്‍ എന്ന ചിത്രമായിരുന്നു 1000 കോടി രൂപ കളക്റ്റ് ചെയ്തത്.
സെപ്റ്റംബര്‍ 25-ന് ജവാന്‍ ഇന്ത്യയില്‍ മാത്രം കളക്റ്റ് ചെയ്തത് 560 കോടി രൂപയാണ്. ഇതിലൂടെ ഏറ്റവും കൂടുതല്‍ വരുമാനം നേടിയ ബോളിവുഡ് ചിത്രമെന്ന ഖ്യാതിയും ജവാന്‍ സ്വന്തമാക്കി.
തെന്നിന്ത്യന്‍ താരങ്ങളായ നയന്‍ താര, വിജയ് സേതുപതി, പ്രിയാമണി തുടങ്ങിയവര്‍ പ്രധാന വേഷങ്ങളിലെത്തിയ ചിത്രം കൂടിയാണു ജവാന്‍.
സമീപകാലത്ത് ബോക്‌സ് ഓഫീസില്‍ 500 കോടിക്കു മുകളില്‍ ഏതാനും ചിത്രങ്ങള്‍ കളക്റ്റ് ചെയ്തിരുന്നു. ജയിലര്‍, ഗദ്ദര്‍ 2 എന്നിവയായിരുന്നു 500 കോടി രൂപയ്ക്കു മുകളില്‍ കളക്റ്റ് ചെയ്തത്. ഈ ചിത്രങ്ങളുടെ വന്‍വിജയം ഇന്ത്യന്‍ സിനിമയ്ക്ക് നല്‍കിയ ആത്മവിശ്വാസം വളരെ വലുതാണ്.
