Login 
പഠിക്കാം & സമ്പാദിക്കാം 
Home
11 Aug 2023 7:16 AM
Summary
- മൂന്നുവര്‍ഷത്തിനിടെ ജിഎസ്ഐ ഏറ്റെടുത്തത് 422 നിര്‍ണായക ധാതു പര്യവേക്ഷണ പദ്ധതികള്‍
- ധാതു പര്യവേക്ഷണത്തില്‍ കേന്ദ്ര സര്‍ക്കാര്‍ കൂടുതല്‍ ശ്രദ്ധ പതിപ്പിക്കുന്നു
- തന്ത്രപ്രധാന ധാതുക്കളുമായി ബന്ധപ്പെട്ട പ്രവര്‍ത്തനങ്ങള്‍ക്ക് ഒരു സംയുക്ത സംരംഭവും സര്‍ക്കാര്‍ ആരംഭിച്ചു
ഈ സാമ്പത്തിക വര്‍ഷത്തെ ആദ്യ നാല് മാസങ്ങളില്‍ മൊത്തം 122 നിര്‍ണായക ധാതു പര്യവേക്ഷണ പദ്ധതികള്‍ ജിയോളജിക്കല്‍ സര്‍വേ ഓഫ് ഇന്ത്യ (ജിഎസ്ഐ) ഏറ്റെടുത്തതായി കേന്ദ്ര കല്‍ക്കരി, ഖനി, പാര്‍ലമെന്ററി കാര്യ മന്ത്രി പ്രഹ്ലാദ് ജോഷി രാജ്യസഭയെ അറിയിച്ചു. കഴിഞ്ഞ മൂന്ന് വര്‍ഷത്തിനിടെ, മൊത്തം 422 നിര്‍ണായക ധാതു പര്യവേക്ഷണ പദ്ധതികളാണ് ജിഎസ്ഐ ഏറ്റെടുത്തത്.
കഴിഞ്ഞ മൂന്ന് വര്‍ഷത്തിനിടെ, മൊത്തം 422 നിര്‍ണായക ധാതു പര്യവേക്ഷണ പദ്ധതികള്‍ ജി എസ ഐ ഏറ്റെടുത്തു. 'ജിയോളജിക്കല്‍ സര്‍വേ ഓഫ് ഇന്ത്യ വഴിയും മറ്റ് ഏജന്‍സികള്‍ വഴിയും ഈ ധാതുക്കളുടെ പര്യവേക്ഷണത്തില്‍ ഖനി മന്ത്രാലയം കൂടുതല്‍ ശ്രദ്ധ ചെലുത്തിയിട്ടുണ്ട്,' ജോഷി പറഞ്ഞു.
2023 - 24 സാമ്പത്തിക വര്‍ഷത്തില്‍ 123 പ്രോജക്റ്റുകള്‍ ളാണ് ഏറ്റെടുത്തിരുന്നത്. ഈ വര്‍ഷം തുടക്കത്തില്‍ തന്നെ 122 പദ്ധതികള്‍ ഏറ്റടുത്തതിനാല്‍ കഴിഞ്ഞ വര്‍ഷത്തെ കണക്കിനെ ഇത്തവണ മറികടക്കും.
തന്ത്രപരമായ വിഭവ സുരക്ഷ വര്‍ധിപ്പിക്കുന്നതിനുള്ള നീക്കത്തില്‍, രാജ്യത്തെ നിര്‍ണായകമായ ധാതു പര്യവേക്ഷണത്തില്‍ കേന്ദ്ര സര്‍ക്കാര്‍ കൂടുതല്‍ ശ്രദ്ധ പതിപ്പിച്ചിട്ടുണ്ട്, മന്ത്രി പറഞ്ഞു.
രാജ്യത്തിന്റെ സാമ്പത്തിക വളര്‍ച്ചയ്ക്കും സാങ്കേതിക വികസനത്തിനും നിര്‍ണായകമായ 30 പ്രധാന ധാതുക്കളുടെ പട്ടിക കേന്ദ്ര സര്‍ക്കാര്‍ പുറത്തിറക്കിയിട്ടുണ്ട്. 17 അപൂര്‍വ മൂലകങ്ങളും, ആറ് പ്ലാറ്റിനം-ഗ്രൂപ്പ് മൂലകങ്ങളും ഇവയില്‍ ഉള്‍പ്പെടുന്നു.
ആന്റിമണി, ബെറിലിയം, ബിസ്മത്ത്, കോബാള്‍ട്ട്, കോപ്പര്‍, ഗാലിയം, ജെര്‍മേനിയം, ഗ്രാഫൈറ്റ്, ഹാഫ്‌നിയം, ഇന്‍ഡിയം, ലിഥിയം, മോളിബ്ഡിനം, നിയോബിയം, നിക്കല്‍, പിജിഇ, ഫോസ്ഫറസ്, പൊട്ടാഷ്, റൈനിയം, സിലിക്കണ്‍, സിലിക്കണ്‍, സിലിക്കണ്‍, സിലിക്കണ്‍, എന്നിവ പട്ടികയില്‍ ഉള്‍പ്പെടുത്തിയിട്ടുള്ള ധാതുക്കളില്‍ ഉള്‍പ്പെടുന്നു. ടാന്റലം, ടെല്ലൂറിയം, ടിന്‍, ടൈറ്റാനിയം, ടങ്സ്റ്റണ്‍, വനേഡിയം, സിര്‍ക്കോണിയം, സെലിനിയം, കാഡ്മിയം തുടങ്ങിയവ ഇന്ത്യന്‍ സമ്പത് വ്യവസ്ഥക്ക് നിര്‍ണായകമാണ്.
ഇന്ത്യക്കു വേണ്ടി വിദേശത്തു തന്ത്രപ്രധാനമായ ധാതുക്കളുടെ കണ്ടെത്തൽ മുതൽ സമ്പുഷ്ടികരണം വരെയുള്ള പ്രവർത്തികൾക്കായി മൂന്ന് പൊതുമേഖലാ സ്ഥാപനങ്ങളുടെ സംയുക്ത സംരംഭമായ ഖനിജ് ബിദേശ് ഇന്ത്യ ലിമിറ്റഡ് (കബില്‍) എ 2019 ൽ പ്രവർത്തനം ആരംഭിച്ചു . നാഷണല്‍ അലുമിനിയം കമ്പനി, ഹിന്ദുസ്ഥാന്‍ കോപ്പര്‍, മിനറല്‍ എക്സ്പ്ലോറേഷന്‍ കമ്പനി എന്നിവയാണ് കബിലിന്റെ പ്രമോട്ടേഴ്സ് .
ലിഥിയം, കോബാള്‍ട്ട് തുടങ്ങിയ നിര്‍ണായകവും തന്ത്രപരവുമായ സ്വഭാവമുള്ള വിദേശ ധാതു ആസ്തികള്‍ തിരിച്ചറിയുകയും ഏറ്റെടുക്കുകയും ചെയ്യുക എന്നതാണ് കബിലിന്റെ പ്രധാന ലക്ഷ്യം. വിതരണ ശൃംഖല ഉറപ്പാക്കുന്നതിന് അര്‍ജന്റീന, ഓസ്ട്രേലിയ തുടങ്ങിയ രാജ്യങ്ങളുമായി ഖനിജ് ബിദേശ് ഇന്ത്യ ചർച്ച നടത്തുന്നതായി മന്ത്രി പറഞ്ഞു. അതുവഴി നിര്‍ണായകവും തന്ത്രപരവുമായ ധാതുക്കള്‍ സ്വായത്തമാക്കാന്‍ ഇന്ത്യ ശ്രമിക്കുകയാണ്.
ആഭ്യന്തര ധാതു വിഭവങ്ങളുടെ വികസനം ത്വരിതപ്പെടുത്തുന്നതിന്, പര്യവേക്ഷണം, ഖനനം, സംസ്‌കരണ സൗകര്യങ്ങള്‍ എന്നിവയില്‍ പൊതു-സ്വകാര്യ നിക്ഷേപങ്ങളെ പ്രോത്സാഹിപ്പിക്കാനും സര്‍ക്കാര്‍ പദ്ധതിയിടുന്നു. നിര്‍ണായകമായ ധാതുക്കള്‍ വേര്‍തിരിച്ചെടുക്കുന്നതിലും സംസ്‌കരിക്കുന്നതിലും നൂതന സാങ്കേതിക വിദ്യകളും അന്തര്‍ദേശീയ സഹകരണങ്ങളും സ്വീകരിക്കുന്നതിനും കബില്‍ ശ്രമിക്കുന്നു.