Login 
പഠിക്കാം & സമ്പാദിക്കാം 
Home
28 Aug 2024 8:25 AM GMT
Summary
- അതിവേഗം വളരുന്ന ഇന്ത്യന്‍ വിപണിയില്‍ ആമസോണിന്റെ സ്ഥാനം ഉയര്‍ത്താനാണ് ഈ നടപടി
- ദ്രുത വാണിജ്യ തന്ത്രത്തിന്റെ വികസനത്തിന് നേതൃത്വം നല്‍കാന്‍ എക്‌സിക്യൂട്ടീവിനെ നിയമിച്ചു
- ആമസോണ്‍ ഇന്ത്യയുടെ മേധാവി ഒക്ടോബറില്‍ കമ്പനി വിടുന്നത് വെല്ലുവിളി ഉയര്‍ത്തുമോ എന്നും ആശങ്ക
ഇന്ത്യയില്‍ അതിവേഗ ഡെലിവറിക്ക് ആമസോണ്‍ തയ്യാറെടുക്കുന്നു.2025ന്റെ ആദ്യ പാദത്തില്‍ ഇത് രാജ്യത്ത് അവതരിപ്പിക്കാനാകുമെന്നാണ് കമ്പനി കരുതുന്നത്. അതിവേഗം വികസിച്ചുകൊണ്ടിരിക്കുന്ന സെഗ്മെന്റിന്റെ ഒരു പങ്ക് പിടിച്ചെടുക്കുന്നതിനുവേണ്ടിയുള്ള ഇ-കൊമേഴ്സ് ഭീമന്റെ തന്ത്രപരമായ മാറ്റമാണ് ഇത്. എതിരാളിയായ ഫ്‌ളിപ്പ്കാര്‍ട്ട് അടുത്തിടെ അതിന്റെ 'മിനിറ്റ്‌സ്' സേവനവുമായി വിപണിയില്‍ പ്രവേശിച്ചിരുന്നു.
ഈ തന്ത്രത്തിന് അനുസൃതമായി, ആമസോണിന്റെ ഇന്ത്യന്‍ യൂണിറ്റ് അതിന്റെ ദ്രുത വാണിജ്യ തന്ത്രത്തിന്റെ വികസനത്തിന് നേതൃത്വം നല്‍കാന്‍ ഒരു മുതിര്‍ന്ന
എക്‌സിക്യൂട്ടീവിനെ നിയമിച്ചു. അതിവേഗം വളരുന്ന ഇന്ത്യന്‍ വിപണിയില്‍ അതിന്റെ സ്ഥാനം ഉയര്‍ത്താന്‍ ലക്ഷ്യമിട്ടുള്ള വിപുലമായ നേതൃത്വ പുനഃക്രമീകരണ ശ്രമങ്ങള്‍ക്കിടയിലാണ് ഈ തീരുമാനം.
കൂടാതെ സ്വിഗ്ഗിയുടെ ക്വിക്ക് സര്‍വീസ് പ്ലാറ്റ്ഫോമായ ഇന്‍സ്റ്റാമാര്‍ട്ടില്‍ ആമസോണ്‍ ഓഹരി ഏറ്റെടുക്കുന്നതിനുള്ള സാധ്യതകള്‍ ആരായുന്നതായും റിപ്പോര്‍ട്ടുണ്ട്.
ഈ പുതിയ സേവനത്തിന്റെ സമാരംഭത്തിന് ആമസോണിന്റെ ആസ്ഥാനത്ത് നിന്നുള്ള അനുമതികള്‍ ആവശ്യമാണ്. കാരണം കമ്പനി ഇതുവരെ ആഗോള തലത്തില്‍ ഒരു ദ്രുത വാണിജ്യ സേവനം അവതരിപ്പിച്ചിട്ടില്ല. കാര്യങ്ങള്‍ സങ്കീര്‍ണ്ണമാക്കിക്കൊണ്ട്, ഇന്ത്യയുടെ തലവന്‍ മനീഷ് തിവാരി നിലവില്‍ നോട്ടീസ് പിരീഡിലാണ്. അദ്ദേഹം ഒക്ടോബറില്‍ ആമസോണ്‍ വിടാന്‍ ഒരുങ്ങുകയാണ്.
നേരത്തെ ആമസോണ്‍ ഇന്ത്യയുടെ പിസി, ഓഡിയോ, ക്യാമറ, വലിയ വീട്ടുപകരണങ്ങള്‍ എന്നിവയുടെ ബിസിനസ്സ് നയിച്ചിരുന്ന നിശാന്ത് സര്‍ദാനയെ ക്വിക്ക് കൊമേഴ്സ് വിഭാഗത്തെ നയിക്കാന്‍ നിയമിച്ചിട്ടുണ്ട്. ആമസോണ്‍ ഇന്ത്യയില്‍ വയര്‍ലെസ്, ഹോം എന്റര്‍ടെയ്ന്‍മെന്റ് ബിസിനസുകള്‍ കൈകാര്യം ചെയ്തിരുന്ന മുന്‍ ക്ലൗഡ്‌ടെയില്‍ സിഇഒ രഞ്ജിത് ബാബു, ഇപ്പോള്‍ ഉപഭോക്തൃ ഇലക്ട്രോണിക്‌സ്, വലിയ വീട്ടുപകരണങ്ങള്‍, മറ്റ് വെര്‍ട്ടിക്കല്‍സ് എന്നിവയുടെ മേല്‍നോട്ടം വഹിക്കും.
പാന്‍ട്രി സേവനത്തിലൂടെ പലചരക്ക് വിതരണത്തില്‍ ആദ്യകാല നേട്ടം കൈവരിച്ച ആമസോണ്‍, അടുത്ത ദിവസത്തെ ഡെലിവറി അതിന്റെ ഫ്രെഷ് രണ്ട് മണിക്കൂര്‍ സേവനവുമായി ലയിപ്പിച്ചുകൊണ്ട് അതിന്റെ സമീപനം പരിഷ്‌കരിക്കുന്നു. ഈ ഡെലിവറികള്‍ പൂര്‍ത്തീകരിക്കുന്നതിന്, സമറ ക്യാപിറ്റലുമായുള്ള സംയുക്ത സംരംഭമായ മോര്‍ റീട്ടെയില്‍ സ്റ്റോറുകളെയാണ് കമ്പനി ആശ്രയിക്കുന്നത്.
2024-ല്‍ ഉടനീളം ദ്രുത വാണിജ്യ മേഖല കാര്യമായ മാറ്റങ്ങള്‍ക്ക് വിധേയമായിട്ടുണ്ട്. കൂടുതല്‍ പരിവര്‍ത്തനങ്ങള്‍ക്ക് സാധ്യത ഏറുകയാണ്. സെപ്റ്റോ പോലുള്ള കമ്പനികള്‍ അവരുടെ ഡാര്‍ക്ക് സ്റ്റോര്‍ നെറ്റ്വര്‍ക്കുകളും എസ്‌കെയുകളും അതിവേഗം വിപുലീകരിക്കുന്നു. ഇതും ആമസോണിന്റെ തീരുമാനത്തിന് കാരണമാണ്.
