എസ്ബിഐ ക്യാപ് വെഞ്ചേഴ്‌സ് ഇനി എസ്ബിഐക്ക് സ്വന്തം

കൊല്‍ക്കത്ത: എസ്ബിഐ സിഎപി വെഞ്ച്വേഴ്‌സില്‍ എസ്ബിഐ ക്യാപിറ്റല്‍ മാര്‍ക്കറ്റ്‌സിന്റെ 100 ശതമാനം ഓഹരികള്‍ ഏറ്റെടുക്കുന്നതിന് സെന്‍ട്രല്‍ ബോര്‍ഡിന്റെ എക്‌സിക്യൂട്ടീവ് കമ്മിറ്റിയുടെ അംഗീകാരം ലഭിച്ചതായി സ്റ്റേറ്റ് ബാങ്ക് ഓഫ് ഇന്ത്യ അറിയിച്ചു.

708 കോടി രൂപയാണ് ഏറ്റെടുക്കലിന് ചെലവായതെന്ന് എസ്ബിഐ പറഞ്ഞു.

എസ്ബിഐ സിഎപി വെഞ്ചേഴ്സ് ലിമിറ്റഡില്‍ എസ്ബിഐ ക്യാപിറ്റല്‍ മാര്‍ക്കറ്റ്സ് ലിമിറ്റഡിന്റെ 100 ശതമാനം ഓഹരികള്‍ സ്റ്റേറ്റ് ബാങ്ക് ഓഫ് ഇന്ത്യ ഏറ്റെടുക്കുന്നതിന് ബാങ്കിന്റെ സെന്‍ട്രല്‍ ബോര്‍ഡിന്റെ എക്സിക്യൂട്ടീവ് കമ്മിറ്റി അന്തിമ അനുമതി നല്‍കിയതായി രാജ്യത്തെ ഏറ്റവും വലിയ വായ്പാ ദാതാവ് റെഗുലേറ്ററി ഫയലിംഗില്‍ അറിയിച്ചു.

2023 ഡിസംബര്‍ വരെ 33,055 കോടി രൂപയുടെ ആസ്തിയുള്ള അസറ്റ്, ഇന്‍വെസ്റ്റ്മെന്റ് മാനേജ്മെന്റ് ബിസിനസില്‍ SBICAP വെഞ്ചേഴ്സ് ഏര്‍പ്പെട്ടിരിക്കുകയാണെന്ന് ബാങ്ക് അറിയിച്ചു.

എസ്ബിഐ ക്യാപിറ്റല്‍ മാര്‍ക്കറ്റില്‍ നിന്നുള്ള ഓഹരി ഏറ്റെടുക്കല്‍ മികച്ച ഭരണത്തിന് വേണ്ടിയാണെന്ന് ലെന്‍ഡര്‍ പറഞ്ഞു.

ആര്‍ബിഐയും സെബിയും ഏറ്റെടുക്കലിന് അനുമതി നല്‍കിയിട്ടുണ്ട്.

റെഗുലേറ്ററി ഫയലിംഗ് അനുസരിച്ച്, ഏറ്റെടുക്കല്‍ 2024 ഫെബ്രുവരി 25-നകം പൂര്‍ത്തിയാകും.

നടപ്പുസാമ്പത്തിക വര്‍ഷത്തിന്റെ മൂന്നാം പാദത്തില്‍ 42.06 കോടി രൂപയുടെ അറ്റാദായമാണ് എസ്ബിഐസിഎപി വെഞ്ചേഴ്സ് നേടിയത്.