ഇൻഡിഗോ വനിതാ യാത്രക്കാർക്ക് പ്രത്യേക സൗകര്യം ഏർപ്പെടുത്തി

വനിതാ യാത്രക്കാരുടെ യാത്രാനുഭവം കൂടുതൽ സുരക്ഷിതവും, സുഖകരവുമാക്കുന്നതിനായി ഇൻഡിഗോ വെബ് ചെക്ക്-ഇനിനിടെ പുതിയ സൗകര്യം ഏർപ്പെടുത്തി. ഈ സൗകര്യം ഉപയോഗിച്ച് വനിതാ യാത്രക്കാർക്ക് മറ്റ് വനിതാ യാത്രക്കാർ ഏതൊക്കെ സീറ്റുകൾ ബുക്ക് ചെയ്തിരിക്കുന്നുവെന്ന് മുൻ കൂട്ടി കാണാൻ സാധിക്കും.

"ഇത് ഞങ്ങളുടെ ‘ഗേൾ പവർ’ തത്വവുമായി യോജിച്ചുപോകുന്നു," ഈ സൗകര്യം വനിതാ യാത്രക്കാർക്ക്, പ്രത്യേകിച്ച് ഒറ്റയ്ക്കു യാത്ര ചെയ്യുന്നവർക്ക്, കൂടുതൽ സുരക്ഷയും സൗകര്യവും ഉറപ്പാക്കുന്നതിനായി മറ്റൊരു വനിതാ യാത്രക്കാരിയുടെ അരികിൽ ഇരിപ്പിടം തിരഞ്ഞെടുക്കാൻ അവസരം നൽകുന്നു എന്ന് ഇൻഡിഗോ പുറത്തിറക്കിയ പ്രസ്താവനയിൽ പറയുന്നു. യാത്രക്കാരുടെ ആവശ്യങ്ങൾ കൃത്യമായി മനസ്സിലാക്കുന്നതിനായി ഈ സൗകര്യം ഏർപ്പെടുത്തുന്നതിന് മുമ്പ് ഇൻഡിഗോ വിപണി ഗവേഷണം നടത്തിയിരുന്നു.

ഒറ്റയ്ക്കും, കുടുംബവുമായും യാത്ര ചെയ്യുന്ന വനിതാ യാത്രക്കാർക്ക് വേണ്ടിയാണ് ഈ സംവിധാനം രൂപകൽപ്പന ചെയ്തിരിക്കുന്നത്. നിലവിൽ പരീക്ഷണാത്മകമായിട്ടാണ് ഈ പദ്ധതി നടപ്പിലാക്കുന്നത്.

കൂടാതെ ഇൻഡിഗോ 1,199 രൂപ മുതൽ നിരക്കുകളിൽ ഓൾ ഇൻക്ലൂസീവ് ആഭ്യന്തര, അന്തർദേശീയ ഫ്ലൈറ്റ് ടിക്കറ്റ് സെയിൽ പ്രഖ്യാപിച്ചു. ഇഷ്ടപ്പെട്ട സീറ്റ് തിരഞ്ഞെടുക്കുന്നതിനുള്ള ചാർജിൽ 20% വരെ കിഴിവ് ലഭിക്കുന്ന പ്രത്യേക ഓഫറും ലഭ്യമാക്കും.