ഇവികള്‍ക്ക് പിഎം ഇ-ഡ്രൈവ് സബ്‌സിഡിയുമായി സര്‍ക്കാര്‍

ഇലക്ട്രിക് വാഹനങ്ങളിലേക്ക് മാറുന്നതിനും ചാര്‍ജിംഗ് ഇന്‍ഫ്രാസ്ട്രക്ചര്‍ സജ്ജീകരിക്കുന്നതിനും ഇവി നിര്‍മ്മാണ ഇക്കോസിസ്റ്റം വികസിപ്പിക്കുന്നതിനുമായി സര്‍ക്കാര്‍ പിഎം ഇ-ഡ്രൈവ് സ്‌കീം പ്രഖ്യാപിച്ചു. ഇതിനായി 10,900 കോടി രൂപ ചെലവഴിക്കും.

2024 ഒക്ടോബര്‍ 1 മുതല്‍ 2026 മാര്‍ച്ച് 31 വരെയാണ് പദ്ധതിയുടെ കാലാവധി.

2024 ഏപ്രില്‍ 1 മുതല്‍ 2024 സെപ്റ്റംബര്‍ 30 വരെയുള്ള കാലയളവില്‍ നടപ്പിലാക്കുന്ന ഇഎംപിഎസ്-2024 സ്‌കീം പിഎം ഇ-ഡ്രൈവ് പദ്ധതിക്കു കീഴില്‍ ഉള്‍പ്പെടുത്തുന്നു.

ഇലക്ട്രിക് ഇരുചക്ര വാഹനങ്ങള്‍ക്കുള്ള പിഎം ഇ-ഡ്രൈവ് സ്‌കീമിന് കീഴിലുള്ള സബ്സിഡി ബാറ്ററി പവറിനെ അടിസ്ഥാനമാക്കി കിലോവാട്ട് മണിക്കൂറിന് 5,000 രൂപയായി നിശ്ചയിച്ചിട്ടുണ്ട്. എന്നാല്‍ മൊത്തത്തിലുള്ള ഇന്‍സെന്റീവ് ആദ്യ വര്‍ഷം 10,000 രൂപയില്‍ കൂടരുത്.

രണ്ടാം വര്‍ഷം, ഒരു കിലോവാട്ട് മണിക്കൂറിന് 2,500 രൂപ പകുതിയായി കുറയും. അതേസമയം മൊത്തത്തിലുള്ള ആനുകൂല്യം 5,000 രൂപയില്‍ കൂടരുത്. നിലവില്‍, ഓല, ടിവിഎസ്, ആതര്‍ എനര്‍ജി, ഹീറോ വിദ (ഹീറോ മോട്ടോകോര്‍പ്പ്), ചേതക് ബജാജ് തുടങ്ങിയ ജനപ്രിയ ഇലക്ട്രിക് സ്‌കൂട്ടര്‍ നിര്‍മ്മാതാക്കള്‍ക്ക് 90,000 മുതല്‍ 1.5 ലക്ഷം രൂപ വരെ വില പരിധിയില്‍ 2.88-4 കിലോവാട്ട് അവര്‍ ബാറ്ററി ശേഷിയുണ്ട്.

പദ്ധതി പ്രകാരം സബ്സിഡി ലഭിക്കുന്നതിനായി ഒരു മൊബൈല്‍ ആപ്പ് അവതരിപ്പിക്കുമെന്ന് ഘനവ്യവസായ മന്ത്രാലയത്തിലെ അഡീഷണല്‍ സെക്രട്ടറി ഹനീഫ് ഖുറേഷി പറഞ്ഞു.

'ഓരോ ആധാറിനും ഒരു വാഹനം അനുവദിക്കും. വാഹനം വിറ്റാല്‍ ഉടന്‍ തന്നെ ഇ-വൗച്ചര്‍ ജനറേറ്റ് ചെയ്യപ്പെടും,' അഡീഷണല്‍ സെക്രട്ടറി പറഞ്ഞു.

സ്‌കീമിന് കീഴില്‍ ഡിമാന്‍ഡ് ഇന്‍സെന്റീവുകള്‍ ലഭിക്കുന്നതിന് ഘനവ്യവസായ മന്ത്രാലയം ഇവി വാങ്ങുന്നവര്‍ക്കായി ഇ-വൗച്ചറുകള്‍ അവതരിപ്പിക്കുന്നു. ഇവി വാങ്ങുന്ന സമയത്ത്, സ്‌കീം പോര്‍ട്ടല്‍ വാങ്ങുന്നയാള്‍ക്കായി ആധാര്‍ ആധികാരികതയുള്ള ഇ-വൗച്ചര്‍ സൃഷ്ടിക്കും.

ഇ-വൗച്ചര്‍ ഡൗണ്‍ലോഡ് ചെയ്യുന്നതിനുള്ള ലിങ്ക് വാങ്ങുന്നയാളുടെ രജിസ്റ്റര്‍ ചെയ്ത മൊബൈല്‍ നമ്പറിലേക്ക് അയയ്ക്കും. സ്‌കീമിന് കീഴിലുള്ള ഡിമാന്‍ഡ് ഇന്‍സെന്റീവുകള്‍ ലഭിക്കുന്നതിന് ഈ ഇ-വൗച്ചര്‍ വാങ്ങുന്നയാള്‍ ഒപ്പിട്ട് ഡീലര്‍ക്ക് സമര്‍പ്പിക്കും.

സ്‌കീമിന് കീഴിലുള്ള ഡിമാന്‍ഡ് ഇന്‍സെന്റീവുകളുടെ റീഇംബേഴ്സ്മെന്റ് ക്ലെയിം ചെയ്യുന്നതിന് ഒഇഎമ്മിന് (യഥാര്‍ത്ഥ ഉപകരണ നിര്‍മ്മാതാവ്) ഒപ്പിട്ട ഇ-വൗച്ചര്‍ അത്യന്താപേക്ഷിതമായിരിക്കും. ഈ പദ്ധതി രാജ്യത്ത് ഇ-ട്രക്കുകളുടെ വിന്യാസം പ്രോത്സാഹിപ്പിക്കും. ഇ-ട്രക്കുകള്‍ക്ക് പ്രോത്സാഹനം നല്‍കുന്നതിന് 500 കോടി രൂപ അനുവദിച്ചിട്ടുണ്ട്.