കിയ വില്‍പ്പന പൊടിപൊടിച്ചു; 17 ശതമാനം വര്‍ധന

സെപ്റ്റംബറില്‍ കിയ ഇന്ത്യയുടെ മൊത്തവ്യാപാരം 17 ശതമാനം വര്‍ധിച്ച് 23,523 യൂണിറ്റിലെത്തി. വാഹന നിര്‍മ്മാതാവ് 2023 സെപ്റ്റംബറില്‍ 20,022 യൂണിറ്റുകള്‍ ഡീലര്‍മാര്‍ക്ക് അയച്ചു.

ഗണേശ ചതുര്‍ത്ഥി, ഓണം എന്നീ ഉത്സവ സീസണുകളില്‍ ഉപഭോക്താക്കളില്‍ നിന്നുള്ള മികച്ച പ്രതികരണമാണ് തങ്ങളുടെ തുടര്‍ച്ചയായ മികച്ച വില്‍പ്പനക്ക് കാരണമായതെന്ന് കിയ ഇന്ത്യ സീനിയര്‍ വൈസ് പ്രസിഡന്റും ദേശീയ സെയില്‍സ് ആന്‍ഡ് മാര്‍ക്കറ്റിംഗ് മേധാവിയുമായ ഹര്‍ദീപ് സിംഗ് ബ്രാര്‍ പ്രസ്താവനയില്‍ പറഞ്ഞു.

മൊബിലിറ്റി സൊല്യൂഷനുകള്‍ രാജ്യത്തുടനീളമുള്ള എല്ലാ ഉപഭോക്താക്കള്‍ക്കും ആക്സസ് ചെയ്യാവുന്നതാണെന്ന് ഉറപ്പാക്കിക്കൊണ്ട് ടച്ച് പോയിന്റുകള്‍ വികസിപ്പിക്കുന്നതിനും കമ്പനി മുന്‍ഗണന നല്‍കിയിട്ടുണ്ട്, അദ്ദേഹം കൂട്ടിച്ചേര്‍ത്തു.