ട്രെന്‍ഡായി ഇലക്ട്രിക് വാഹനങ്ങള്‍

ഇലക്ട്രിക് വാഹനങ്ങള്‍ ഇന്ത്യയില്‍ ട്രെന്‍ഡ് ആകുകയാണ്. ഇരുചക്രമായാലും കാറായാലും സ്ഥിതിയില്‍ മാറ്റമില്ല. ചുരക്കത്തില്‍ ഇന്ത്യന്‍ ഇലക്ട്രിക് വാഹന വിപണി അതി വേഗം വളരുകയുമാണ്. 2023 ല്‍ ഇതുവരെ ( എട്ടു മാസക്കാലത്ത്) രാജ്യത്തു വിറ്റ ഇലക്ട്രിക് വാഹനങ്ങളുടെ എണ്ണം ഒരു ദശലക്ഷത്തിനു മുകളിലായി. 2021-22 കാലയളവില്‍ ഇന്ത്യയില്‍ വിറ്റഴിഞ്ഞ ഇലക്ട്രിക് വാഹനങ്ങളുടെ എണ്ണം വെറും 2.37 ലക്ഷമായിരുന്നു.

നടപ്പുവര്‍ഷത്തിന്റെ ആദ്യ പാദത്തിൽ വിറ്റ പുതിയ കാറുകളില്‍ മൂന്നു ശതമാനത്തോളം ഇലക്ട്രിക് ആണ്. മുന്‍വര്‍ഷത്തേതിന്റെ ഇരട്ടിയോളം വരുമിത്. ആദ്യ പകുതിയിലെ ഇരു ചക്രവാഹനങ്ങളുടെ വില്‍പ്പനയില്‍ 58 ശതമാനം ഇല്ക്ട്രിക് വാഹനങ്ങളായിരുന്നു. ത്രീ വീലറിലിത് 36 ശതമാനമാണ്.

ഇന്ത്യയിലെ ഇലക്ട്രിക് വാഹന ട്രെന്‍ഡുകള്‍

ഇന്ത്യയില്‍ ഇലക്ട്രിക് ഇരുചക്ര വാഹനങ്ങളുടെ വില്‍പ്പനയാണ് ഏറ്റവും കൂടുതല്‍. 2023-ല്‍, വിറ്റഴിക്കപ്പെട്ട ഇലക്ട്രിക് വാഹനങ്ങളില്‍ 80 ശതമാനവും ഇരുചക്ര വാഹനങ്ങളായിരുന്നു. ഇലക്ട്രിക് കാറുകളുടെ വില്‍പ്പനയും ഇലക്ട്രിക് ബസ്സുകളുടെ വില്‍പ്പനയും വര്‍ദ്ധിച്ചുവരുന്നുണ്ട്.

ഇന്ത്യയിലെ ഇലക്ട്രിക് വാഹന വിപണിയില്‍ ചൈനീസ് വാഹന നിര്‍മ്മാതാക്കള്‍ ശക്തമായ സാന്നിധ്യം അറിയിച്ചു തുടങ്ങിയിട്ടുണ്ട്. ബിവൈഡി, സൈക് മോട്ടോര്‍ എന്നിവയാണ് ഇന്ത്യയിലെ പ്രധാന ഇലക്ട്രിക് വാഹന നിര്‍മ്മാതാക്കള്‍. ടാറ്റ മോട്ടോഴ്‌സ്, മഹീന്ദ്ര ആന്‍ഡ് മഹീന്ദ്ര, ഹീറോ ഇലക്ട്രിക്, ഏഥര്‍ എനര്‍ജി തുടങ്ങിയ ഇന്ത്യന്‍ കമ്പനികള്‍ ശക്തമായി ഇലക്ട്രിക് വാഹന നിര്‍മാണത്തിലേക്കു കടന്നുവന്നിട്ടുണ്ട്.

ഇലക്ട്രിക് വാഹനങ്ങളുടെ ഗുണങ്ങളും സര്‍ക്കാര്‍ നല്‍കുന്ന പ്രോത്സാഹനങ്ങളും ഇലക്ട്രിക് വാഹനങ്ങളിലേക്ക് ഉപഭോക്താക്കളെ ആകര്‍ഷിക്കുകയാണ്. ഇന്ധനവിലയിലെ വര്‍ധനവാണു മറ്റൊരു കാരണം.

2030ഓടെ സ്വകാര്യകാറുകളുടെ വില്‍പ്പനയില്‍ 30 ശതമാനവും ഇരുചക്രവാഹനങ്ങളുടെ വില്‍പ്പനിയില്‍ 80 ശതമാനവും ഇലക്ട്രിക് വാഹനങളെന്ന ലക്ഷ്യമാണ് കേന്ദ്രസര്‍ക്കാര്‍ മുന്നോട്ടു വച്ചിട്ടുള്ളത്.

നികുതിയും സബ്‌സിഡിയും

ഇന്ത്യയില്‍ ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിനായി ഇന്ത്യാ ഗവണ്‍മെന്റ് നിരവധി സംരംഭങ്ങള്‍ ആവിഷ്‌കരിച്ചിട്ടുണ്ട്.

ഉദാഹരണത്തിന്, ഇവികള്‍ക്കുള്ള ജിഎസ്ടി നിരക്ക് 12 ശതമാനത്തില്‍നിന്ന്് അഞ്ചു ശതമാനമായി കുറച്ചു. ഇലക്ട്രിക് വാഹനങ്ങള്‍ക്ക് പച്ച നിറത്തിലുള്ള ലൈസന്‍സ് പ്ലേറ്റുകള്‍ നല്‍കുകയും പെര്‍മിറ്റ് ആവശ്യകതയില്‍ നിന്ന് ഒഴിവാക്കുകയും ചെയ്തിട്ടുണ്ട്. ഇലക്ട്രിക് വാഹനങ്ങള്‍ക്ക് റോഡ് ടാക്‌സ് ഒഴിവാക്കാന്‍ സംസ്ഥാനങ്ങളോട് നിര്‍ദ്ദേശിച്ചിട്ടുണ്ട്.

ഫെയിം (എഫ്എഎംഇ) എന്ന ചുരുക്കപ്പേരില്‍ അറിയപ്പെടുന്ന പദ്ധതിയിലൂടെ ഇലക്ട്രിക് വാഹനങ്ങള്‍ വാങ്ങുന്നവര്‍ക്ക് സബ്‌സിഡി നല്‍കുന്നുണ്ട്.

ഇലക്ട്രിക് വാഹനങ്ങളുടെ വില കുറയുകയും ചാര്‍ജിംഗ് ഇന്‍ഫ്രാസ്ട്രക്ച്ചര്‍ മെച്ചപ്പെടുകയും ചെയ്താല്‍ ഇന്ത്യയില്‍ ഇലക്ട്രിക് വാഹനങ്ങള്‍ കൂടുതലായി പ്രചാരം നേടും. ഇവി വിപണിയില്‍ ടെസ്ലയാണ് മുന്‍പന്തിയില്‍. തൊട്ടുപിന്നില്‍ ടാറ്റ മോട്ടോഴ്സും എംജി മോട്ടോഴ്സുമുണ്ട്.

ഇവയ്ക്ക് പുറമെ, ഇലക്ട്രിക് വാഹനങ്ങളെക്കുറിച്ച് ജനങ്ങളില്‍ അവബോധം സൃഷ്ടിക്കുന്നതിനായി സര്‍ക്കാര്‍ വിവിധ പരിപടികളും നടത്തിവരുന്നുണ്ട്. ഇന്ത്യാ ഗവണ്‍മെന്റിന്റെ ഈ സംരംഭങ്ങളുടെ ഫലമായി ഇലക്ട്രിക് വാഹനങ്ങളുടെ ഉപയോഗം ഇന്ത്യയില്‍ ക്രമാനുഗതമായി വര്‍ദ്ധിച്ചുവരുന്നുണ്ട്.

ഫെയിം ഇന്ത്യ പദ്ധതി രണ്ടാം ഘട്ടം

ഫെയിം രണ്ടാം ഘട്ടം പദ്ധതിയിലൂടെ ഇലക്ട്രിക് വാഹനങ്ങളുടെ ഉപയോഗവും നിര്‍മ്മാണവും വര്ദ്ധിപ്പിക്കുന്നതിന് നിരവധി പദ്ധതികള്‍ ആവിഷ്‌കരിച്ചിട്ടുണ്ട്. ഹൈബ്രിഡ് ഇലക്ട്രിക് വാഹനങ്ങള്‍ നിര്‍മാണം വേഗത്തിലാക്കുവാന്‍ ഫെയിം 10,000 കോടി രൂപയുടെ പദ്ധതി നടപ്പിലാക്കുന്നു. ആകെ ബജറ്റില്‍ 86 ശതമാനം തുകയും ഇലക്ട്രിക് വാഹനങ്ങള്ക്കുള്ള പ്രോത്സാഹനമായി വകയിരുത്തിയിരുന്നു.

ഹെവി ഇന്‍ഡസ്ട്രീസ് മന്ത്രാലയം 2019 ഏപ്രില്‍ ഒന്നു മുതല്‍ അഞ്ച് വര്‍ഷത്തേക്ക് ഘട്ടങ്ങളായി ഈ പദ്ധതി നടപ്പിലാക്കിവരുന്നു. പി എ ല്‍ ഐ സ്‌കീമിലൂടെ ഇലക്ട്രിക് വാഹനങ്ങളുടെ നിര്‍മ്മാണത്തിന് പ്രോത്സാഹനം നല്‍കുന്നുണ്ട്.

ഫെയിം ഇന്ത്യ പദ്ധതി രണ്ടാം ഘട്ടത്തില്‍ പ്രധാനമായും പൊതു ഗതാഗതത്തിന്റെ വൈദ്യുതീകരണത്തെ പിന്തുണയ്ക്കുന്നതില്‍ ശ്രദ്ധ കേന്ദ്രീകരിക്കുന്നു. 7090 ഇ-ബസുകള്‍, 5 ലക്ഷം ഇ- ത്രീ വീലറുകള്‍, 55000 ഇ-ഫോര്‍ വീലര്‍ പാസഞ്ചര്‍ കാറുകള്‍, 10 ലക്ഷം ഇ-ടു വീലറുകള്‍ എന്നിവയ്ക്ക് ഡിമാന്‍ഡ് ഇന്‍സെന്റീവ് നല്‍കും.

ചാര്‍ജിംഗ് സൗകര്യങ്ങള്‍

ചാര്‍ജിംഗ് ഇന്‍ഫ്രാസ്ട്രക്ചര്‍ സൃഷ്ടിക്കുന്നതും സ്‌കീമിന് കീഴില്‍ പിന്തുണയ്ക്കുന്നു. ഫെയിം ഇന്ത്യ പദ്ധതിയിലൂടെ ഇന്ത്യയില്‍ ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിനും ചാര്‍ജിംഗ് ഇന്‍ഫ്രാസ്ട്രക്ചര്‍ വികസിപ്പിക്കുന്നതിനുമായി കേന്ദ്ര സര്‍ക്കാര്‍ കൂടുതല്‍ ഇലക്ട്രിക് വാഹന ചാര്‍ജിംഗ് സ്റ്റേഷനുകള്‍ സ്ഥാപിക്കും. ഹെവി ഇന്‍ഡസ്ട്രീസ് മന്ത്രാലയമാണ് ഈ പദ്ധതികള്‍ക്ക് അനുമതി നല്‍കിയത്. ഫേം ഇന്ത്യ പദ്ധതിയുടെ ഒന്നാം ഘട്ടത്തില്‍ 520 ചാര്‍ജിംഗ് സ്റ്റേഷനുകള്‍ സ്ഥാപിക്കാന്‍ അനുമതി നല്‍കിയിരുന്നു. രണ്ടാം ഘട്ടത്തില്‍ 25 സംസ്ഥാനങ്ങളിലെ 68 നഗരങ്ങളിലായി 2,877 ചാര്‍ജിംഗ് സ്റ്റേഷനുകളും 9 എക്‌സ്പ്രസ് വേകളിലും 16 ഹൈവേകളിലുമായി 1,576 ചാര്‍ജിംഗ് സ്റ്റേഷനുകളും സ്ഥാപിക്കാനാണ് ഉദ്ദേശിക്കുന്നത്.

ഇന്ത്യന്‍ ഓയില്‍ കോര്‍പ്പറേഷന്‍ (ഐ സി), ഭാരത് പെട്രോളിയം കോര്‍പ്പറേഷന്‍ ലിമിറ്റഡ് (ബിപിസിഎല്‍), ഹിന്ദുസ്ഥാന്‍ പെട്രോളിയം കോര്‍പ്പറേഷന്‍ ലിമിറ്റഡ് (എച്ച് പിസിഎല്‍) എന്നീ എണ്ണ വിപണന കമ്പനികള്‍ക്ക് 7,432 പൊതു ഇലക്ട്രിക് വാഹന ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിനായി 800 കോടി രൂപയുടെ മൂലധന സബ്‌സിഡിയും ഘനവ്യവസായ മന്ത്രാലയവും അനുവദിച്ചിട്ടുണ്ട്. ഈ പദ്ധതികള്‍ നടപ്പിലാക്കുന്നതോടെ ഇന്ത്യയിലെ ഇലക്ട്രിക് വാഹന ചാര്‍ജിംഗ് ഇന്‍ഫ്രാസ്ട്രക്ചര്‍ ഗണ്യമായി മെച്ചപ്പെടുമെന്ന് കരുതപ്പെടുന്നു.