Login 
പഠിക്കാം & സമ്പാദിക്കാം 
Home
11 July 2022 6:15 AM GMT
Summary
ഭൂമി ഏറ്റെടുക്കലിലെ ഗണ്യമായ നിക്ഷേപവും കല്‍ക്കരിപ്പാടങ്ങളിലെ ഗതാഗത അടിസ്ഥാന സൗകര്യങ്ങള്‍ മെച്ചപ്പെടുത്തിയതും മൂലം 2022-23 ജൂണ്‍ പാദത്തില്‍ കോള്‍ ഇന്ത്യയുടെ മൂലധനച്ചെലവ് 64.8 ശതമാനം വര്‍ധിച്ച് 3,034 കോടി രൂപയായി. കഴിഞ്ഞ സാമ്പത്തിക വര്‍ഷം ഏപ്രില്‍-ജൂണ്‍ കാലയളവില്‍ 1,841 കോടി രൂപയായിരുന്നു മൂലധന ചെലവ്. ആഭ്യന്തര കല്‍ക്കരി ഉത്പാദനത്തിന്റെ 80 ശതമാനവും കോള്‍ ഇന്ത്യയാണ്. 608 കോടി രൂപയുടെ ഭൂമി ഏറ്റെടുക്കല്‍ ആദ്യ പാദത്തിലെ മൊത്തം മൂലധനച്ചെലവിന്റെ അഞ്ചിലൊന്ന് വരും. 2021-22 ഏപ്രില്‍-ജൂണ്‍ കാലയളവില്‍ ഇതിനായി ചെലവഴിച്ച […]
ഭൂമി ഏറ്റെടുക്കലിലെ ഗണ്യമായ നിക്ഷേപവും കല്‍ക്കരിപ്പാടങ്ങളിലെ ഗതാഗത അടിസ്ഥാന സൗകര്യങ്ങള്‍ മെച്ചപ്പെടുത്തിയതും മൂലം 2022-23 ജൂണ്‍ പാദത്തില്‍ കോള്‍ ഇന്ത്യയുടെ മൂലധനച്ചെലവ് 64.8 ശതമാനം വര്‍ധിച്ച് 3,034 കോടി രൂപയായി. കഴിഞ്ഞ സാമ്പത്തിക വര്‍ഷം ഏപ്രില്‍-ജൂണ്‍ കാലയളവില്‍ 1,841 കോടി രൂപയായിരുന്നു മൂലധന ചെലവ്. ആഭ്യന്തര കല്‍ക്കരി ഉത്പാദനത്തിന്റെ 80 ശതമാനവും കോള്‍ ഇന്ത്യയാണ്.
608 കോടി രൂപയുടെ ഭൂമി ഏറ്റെടുക്കല്‍ ആദ്യ പാദത്തിലെ മൊത്തം മൂലധനച്ചെലവിന്റെ അഞ്ചിലൊന്ന് വരും. 2021-22 ഏപ്രില്‍-ജൂണ്‍ കാലയളവില്‍ ഇതിനായി ചെലവഴിച്ച 268 കോടിയുടെ 2.3 ഇരട്ടിയാണിത്. കോള്‍ ഇന്ത്യയുടെ എല്ലാ അനുബന്ധ സ്ഥാപനങ്ങളിലും ഈ ചെലവ് വ്യാപിച്ചു. പരിസ്ഥിതി മലിനീകരണം കുറയ്ക്കുന്നതിനുള്ള കല്‍ക്കരി കമ്പനികളുടെ ഒരു സംരംഭമാണ് ഫസ്റ്റ്-മൈല്‍ കണക്റ്റിവിറ്റി. കല്‍ക്കരി കൈകാര്യം ചെയ്യുന്ന പ്ലാന്റുകളില്‍ നിന്ന് കണ്‍വെയര്‍ ബെല്‍റ്റിലൂടെ കല്‍ക്കരി ലോഡിംഗിനായി സിലോസുകളിലേക്ക് കൊണ്ടുപോകുകയാണ് ഇവിടെ ചെയ്യുന്നത്.
ഫസ്റ്റ്-മൈല്‍ കണക്റ്റിവിറ്റി പദ്ധതികള്‍ക്ക് കീഴിലുള്ള കല്‍ക്കരി കൈകാര്യം ചെയ്യുന്ന പ്ലാന്റുകളുടെ നിര്‍മ്മാണം, വെയ്ബ്രിഡ്ജുകള്‍ ഉള്‍പ്പെടെയുള്ള സൈലോകള്‍ എന്നിവയുടെ മൂലധനച്ചെലവ് അവലോകനം ചെയ്യുന്ന പാദത്തില്‍ മൊത്തം 577 കോടി രൂപയായി. കഴിഞ്ഞ സാമ്പത്തിക വര്‍ഷത്തിന്റെ ആദ്യ പാദത്തില്‍ ചെലവഴിച്ച 141 കോടിയുമായി താരതമ്യം ചെയ്യുമ്പോള്‍ ഇത് വളരെ കൂടുതലാണ്. 2023 സാമ്പത്തിക വര്‍ഷത്തിന്റെ ഒന്നാം പാദത്തില്‍ റെയില്‍ സൈഡിംഗുകള്‍ക്കും റെയില്‍ ഇടനാഴികള്‍ സ്ഥാപിക്കുന്നതിനുമായി 571 കോടി രൂപ ചെലവഴിച്ചു, ഇത് പ്രതിവര്‍ഷം 57 ശതമാനം വളര്‍ച്ച രേഖപ്പെടുത്തിയിട്ടുണ്ട്.
