Login 
പഠിക്കാം & സമ്പാദിക്കാം 
Home
14 April 2022 2:54 AM GMT
Summary
മുംബൈ : ലോകത്തെ ഏറ്റവും വലിയ സിമന്റ് നിര്‍മ്മാണ കമ്പനികളിലൊന്നായ ഹോള്‍സിം ലിമിറ്റഡ് ഇന്ത്യയിലെ ബിസിനസുകള്‍ വിറ്റഴിച്ചേക്കുമെന്ന് റിപ്പോര്‍ട്ട്. രാജ്യത്തെ സിമന്റ് ബ്രാന്‍ഡുകളില്‍ മുന്‍നിരയിലുള്ള അംബുജയും എസിസിയുമാണ് ഹോള്‍സിം ഉടമസ്ഥതയിലുള്ളത്. ഇന്ത്യയില്‍ പ്രവര്‍ത്തനം ആരംഭിച്ച് 17 വര്‍ഷങ്ങള്‍ക്ക് ശേഷമാണ് രാജ്യത്തെ ബിസിനസ് വില്‍ക്കുവാന്‍ ഹോള്‍സിം ലിമിറ്റഡ് ഒരുങ്ങുന്നത്. സ്വിറ്റ്‌സര്‍ലാന്റ് ആസ്ഥാനമായ കമ്പനിയാണ് ഹോള്‍സിം. പ്രധാന വിപണികളിലേക്ക് ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് നീക്കമെന്നാണ് കമ്പനിയില്‍ നിന്നും ലഭിക്കുന്ന സൂചന. ഏകദേശം 960 കോടി ഡോളറാണ് അംബുജയുടെ വിപണി മൂല്യം. […]
മുംബൈ : ലോകത്തെ ഏറ്റവും വലിയ സിമന്റ് നിര്‍മ്മാണ കമ്പനികളിലൊന്നായ ഹോള്‍സിം ലിമിറ്റഡ് ഇന്ത്യയിലെ ബിസിനസുകള്‍ വിറ്റഴിച്ചേക്കുമെന്ന് റിപ്പോര്‍ട്ട്. രാജ്യത്തെ സിമന്റ് ബ്രാന്‍ഡുകളില്‍ മുന്‍നിരയിലുള്ള അംബുജയും എസിസിയുമാണ് ഹോള്‍സിം ഉടമസ്ഥതയിലുള്ളത്. ഇന്ത്യയില്‍ പ്രവര്‍ത്തനം ആരംഭിച്ച് 17 വര്‍ഷങ്ങള്‍ക്ക് ശേഷമാണ് രാജ്യത്തെ ബിസിനസ് വില്‍ക്കുവാന്‍ ഹോള്‍സിം ലിമിറ്റഡ് ഒരുങ്ങുന്നത്.
സ്വിറ്റ്‌സര്‍ലാന്റ് ആസ്ഥാനമായ കമ്പനിയാണ് ഹോള്‍സിം. പ്രധാന വിപണികളിലേക്ക് ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് നീക്കമെന്നാണ് കമ്പനിയില്‍ നിന്നും ലഭിക്കുന്ന സൂചന. ഏകദേശം 960 കോടി ഡോളറാണ് അംബുജയുടെ വിപണി മൂല്യം. ഹോള്‍ഡറിന്‍ഡ് ഇന്‍വെസ്റ്റ്മെന്റ് ലിമിറ്റഡ് വഴി ഹോള്‍സിമിന് അംബുജ സിമന്റ്‌സില്‍ 63.1 ശതമാനം ഓഹരിയുണ്ട്. എസിസിയില്‍, ഹോള്‍ഡറിന്‍ഡ് ഇന്‍വെസ്റ്റ്മെന്റിന് 4.48 ശതമാനം ഓഹരിയാണുള്ളത്.
ഇന്ത്യയിലെ ബിസിനസുകള്‍ വില്‍ക്കാനുള്ള തീരുമാനത്തിന് പിന്നാലെ ജെഎസ്ഡബ്ല്യു, അദാനി ഗ്രൂപ്പ് എന്നിവരുമായി ഹോള്‍സിം ആദ്യഘട്ട ചര്‍ച്ചകളിലാണെന്നും റിപ്പോര്‍ട്ടുകള്‍ വന്നിരുന്നു. കഴിഞ്ഞ വര്‍ഷം സെപ്റ്റംബറില്‍, ഹോള്‍സിം അതിന്റെ ബ്രസീലിയന്‍ യൂണിറ്റ് 100 കോടി ഡോളറിന് വിറ്റിരുന്നു. മാത്രമല്ല സിംബാവെയിലെ ബിസിനസ്സ് വിറ്റഴിക്കാനുള്ള ചര്‍ച്ചകളും കമ്പനി നടത്തിവരികയാണ്.
