Login 
പഠിക്കാം & സമ്പാദിക്കാം 
Home
29 March 2022 4:56 AM GMT
Summary
ഡെല്‍ഹി : 37,000ലധികം ഫീച്ചര്‍ ഫോണ്‍ ഉപയോക്താക്കള്‍ മാര്‍ച്ച് 8-ന് യുപിഐ സേവനത്തില്‍ ചേര്‍ന്നുവെന്ന് വ്യക്തമാക്കി കേന്ദ്ര ധനകാര്യ സഹമന്ത്രി ഭഗവത് കൃഷ്ണറാവു കാരാട്. ഇതിനോടകം 21,833 ഇടപാടുകള്‍ നടന്നുവെന്നും അദ്ദേഹം കൂട്ടിച്ചേര്‍ത്തു. ഇന്ത്യയ്ക്ക് പുറത്ത് യുപിഐയുടെ ഉപയോഗം വ്യാപിപ്പിക്കുന്നതിന് ആര്‍ബിഐ വിവിധ നടപടികള്‍ സ്വീകരിച്ചിട്ടുണ്ടെന്നും അദ്ദേഹം ലോക്സഭയില്‍ രേഖാമൂലം അറിയിച്ചു. വിവിധ രാജ്യങ്ങളില്‍ BHIM UPI QR-ന്റെ സ്വീകാര്യത വര്‍ധിപ്പിക്കുന്നതിന് വേണ്ട ചുവടവെപ്പുകള്‍ ആരംഭിച്ച് കഴിഞ്ഞു. ഇത് ഇന്ത്യന്‍ സഞ്ചാരികള്‍ക്ക് അന്താരാഷ്ട്ര വ്യാപാര സ്ഥാപനങ്ങളിലെ എല്ലാ […]
ഡെല്‍ഹി : 37,000ലധികം ഫീച്ചര്‍ ഫോണ്‍ ഉപയോക്താക്കള്‍ മാര്‍ച്ച് 8-ന് യുപിഐ സേവനത്തില്‍ ചേര്‍ന്നുവെന്ന് വ്യക്തമാക്കി കേന്ദ്ര ധനകാര്യ സഹമന്ത്രി ഭഗവത് കൃഷ്ണറാവു കാരാട്. ഇതിനോടകം 21,833 ഇടപാടുകള്‍ നടന്നുവെന്നും അദ്ദേഹം കൂട്ടിച്ചേര്‍ത്തു. ഇന്ത്യയ്ക്ക് പുറത്ത് യുപിഐയുടെ ഉപയോഗം വ്യാപിപ്പിക്കുന്നതിന് ആര്‍ബിഐ വിവിധ നടപടികള്‍ സ്വീകരിച്ചിട്ടുണ്ടെന്നും അദ്ദേഹം ലോക്സഭയില്‍ രേഖാമൂലം അറിയിച്ചു.
വിവിധ രാജ്യങ്ങളില്‍ BHIM UPI QR-ന്റെ സ്വീകാര്യത വര്‍ധിപ്പിക്കുന്നതിന് വേണ്ട ചുവടവെപ്പുകള്‍ ആരംഭിച്ച് കഴിഞ്ഞു. ഇത് ഇന്ത്യന്‍ സഞ്ചാരികള്‍ക്ക് അന്താരാഷ്ട്ര വ്യാപാര സ്ഥാപനങ്ങളിലെ എല്ലാ റീട്ടെയില്‍ പര്‍ച്ചേസിനും BHIM UPI QR ഉപയോഗിച്ച് പേയ്മെന്റുകള്‍ നടത്തുന്നതിന് സൗകര്യമൊരുക്കും. നിലവില്‍ സിംഗപ്പൂര്‍, ഭൂട്ടാന്‍, യുഎഇ, നേപ്പാള്‍ എന്നീ രാജ്യങ്ങളില്‍ BHIM UPI QR-ന് സ്വീകാര്യത ലഭിച്ചു കഴിഞ്ഞു.
സ്മാര്‍ട്ട് ഫോണും ഇന്റര്‍നെറ്റുമില്ലെങ്കിലും ഇനി യുപിഐ ഇടപാടുകള്‍ നടത്താന്‍ സഹായിക്കുന്ന യുപിഐ123 പേ സര്‍വീസ് അടുത്തിടെയാണ് കേന്ദ്രം അവതരിപ്പിച്ചത്. വിവിധ ബാങ്കിംഗ് സേവനങ്ങള്‍ ഒരു കുടക്കീഴില്‍ കൊണ്ടുവരുന്നതിന് നാഷണല്‍ പേയ്മെന്റ് കോര്‍പ്പറേഷന്‍ ഓഫ് ഇന്ത്യ വികസിപ്പിച്ചെടുത്ത സംവിധനമാണ് യൂണിഫൈഡ് പേയ്മെന്റ് ഇന്റര്‍ഫേസ് (യു പി ഐ). ഒരു ബാങ്ക് അക്കൗണ്ടില്‍ നിന്നും മറ്റൊരു ബാങ്ക് അക്കൗണ്ടിലേക്ക് മൊബൈല്‍ ആപ്പിലൂടെ പണം കൈമാറാന്‍ സഹായിക്കുന്ന സാങ്കേതികവിദ്യയാണിത്.
ചെറിയ തുകകള്‍ അതിവേഗത്തില്‍ ട്രാന്‍സ്ഫര്‍ ചെയ്യാന്‍ സാധിക്കുന്ന യുപിഐ ലൈറ്റ് ആപ്പ് നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യ അടുത്തിടെ ഇറക്കിയിരുന്നു. സാധാരണ ഡിജിറ്റല്‍ വാലറ്റ് പോലെ തന്നെയാകും യുപിഐ ലൈറ്റും പ്രവര്‍ത്തിക്കുക. യുപിഐ പിന്‍ ഉപയോഗിക്കാതെ തന്നെ പേയ്മെന്റ് നടത്താന്‍ സാധിക്കും എന്നതും പുതിയ വാലറ്റിന്റെ പ്രത്യേകതയാണ്. ടെലികോം നെറ്റ് വര്‍ക്കുകളെ അധികം ആശ്രയിക്കാതെ തന്നെ ഇടപാടുകള്‍ സുഗമമായി നടത്താനുള്ള നീക്കത്തിന്റെ ഭാഗമായാണ് പുതിയ വാലറ്റ് ഇറക്കിയത്.
