Login 
പഠിക്കാം & സമ്പാദിക്കാം 
Home
24 March 2025 4:32 PM IST
Summary
- ഏകദേശം 200 രാജ്യങ്ങളുടെ വ്യാപാര രീതികള്‍ വിശകലനം നല്‍കുന്ന റിപ്പോര്‍ട്ടിലാണ് പരാമര്‍ശം
- ചൈനയുടെ സംഭാവന 12 ശതമാനവും യുഎസിന്റേത് 10 ശതമാനവും ആയിരിക്കും
അടുത്ത അഞ്ച് വര്‍ഷത്തിനുള്ളില്‍ ആഗോള വ്യാപാര വളര്‍ച്ചയില്‍ ഇന്ത്യ 6 ശതമാനം സംഭാവന ചെയ്യുമെന്ന് റിപ്പോര്‍ട്ട്. ന്യൂയോര്‍ക്ക് യൂണിവേഴ്സിറ്റിയിലെ സ്റ്റേണ്‍ സ്‌കൂള്‍ ഓഫ് ബിസിനസും ജര്‍മ്മന്‍ ലോജിസ്റ്റിക്‌സ് ബ്രാന്‍ഡായ ഡിഎച്ച്എല്ലും സംയുക്തമായി പ്രസിദ്ധീകരിച്ച ഡിഎച്ച്എല്‍ ട്രേഡ് അറ്റ്‌ലസ് 2025-റിപ്പോര്‍ട്ടിലാണ് ഇക്കാര്യമുള്ളത്.
ലോകമെമ്പാടുമുള്ള ഏകദേശം 200 രാജ്യങ്ങളുടെയും പ്രദേശങ്ങളുടെയും വ്യാപാര രീതികളുടെ വിശകലനം നല്‍കുന്ന റിപ്പോര്‍ട്ട്, ആഗോള വ്യാപാര വികാസത്തില്‍ ഇന്ത്യയുടെ പങ്ക് ചൈനയുടേയും യുഎസിനും പിന്നിലായിരിക്കുമെന്നും പറയുന്നു. ചൈനയുടെ സംഭാവന 12 ശതമാനവും യുഎസിന്റേത് 10 ശതമാനവും ആയിരിക്കും.
ഭൗമരാഷ്ട്രീയ സംഘര്‍ഷങ്ങള്‍ക്കും വ്യാപാര നയ അനിശ്ചിതത്വത്തിനും ഇടയില്‍ ആഗോളതലത്തില്‍ വ്യാപാര വളര്‍ച്ച പ്രതിരോധശേഷി കാണിക്കുന്നത് തുടരുകയാണെന്ന് അത് അഭിപ്രായപ്പെട്ടു.
'ഇന്ത്യയുടെ ദ്രുത വ്യാപാര വളര്‍ച്ച അതിന്റെ അതിവേഗമുള്ള മാക്രോ ഇക്കണോമിക് വളര്‍ച്ചയെയും അന്താരാഷ്ട്ര വ്യാപാരത്തില്‍ വര്‍ധിച്ചുവരുന്ന പങ്കാളിത്തത്തെയും പ്രതിഫലിപ്പിച്ചു.
ഇന്ത്യയെക്കാള്‍ കൂടുതല്‍ വ്യാപാരാധിഷ്ഠിത സമ്പദ് വ്യവസ്ഥയായി ചൈനയെ പലപ്പോഴും വിദഗ്ധര്‍ കരുതുന്നു. എന്ന്ാല്‍ 2023-ല്‍ ഇന്ത്യയുടെ ചരക്ക് വ്യാപാര-ജിഡിപി അനുപാതം ചൈനയുടേതിന് ഏതാണ്ട് തുല്യമായിരുന്നു. കൂടാതെ ചരക്കുകളിലും സേവനങ്ങളിലും വ്യാപാരം പരിഗണിക്കുമ്പോള്‍ ഇന്ത്യയുടെ വ്യാപാര തീവ്രത ചൈനയേക്കാള്‍ കൂടുതലായിരുന്നു-റിപ്പോര്‍ട്ട് പറയുന്നു.
ഭാവിയിലെ ആഗോള വ്യാപാര വളര്‍ച്ചാ നേതാക്കളെക്കുറിച്ച്, അടുത്ത അഞ്ച് വര്‍ഷത്തിനുള്ളില്‍, ഇന്ത്യ, വിയറ്റ്‌നാം, ഇന്തോനേഷ്യ, ഫിലിപ്പീന്‍സ് എന്നീ രാജ്യങ്ങള്‍ വ്യാപാര വളര്‍ച്ചയുടെ വേഗതയിലും അളവിലും മികച്ച 30 സ്ഥാനങ്ങളില്‍ ഇടം നേടുമെന്ന് പ്രവചിക്കപ്പെടുന്നു.
2025 മാര്‍ച്ചില്‍ വാണിജ്യ വ്യവസായ മന്ത്രാലയം പുറത്തുവിട്ട കണക്കുകള്‍ പ്രകാരം, 2024-25 ഏപ്രില്‍-ഫെബ്രുവരി കാലയളവിലെ മൊത്തം കയറ്റുമതി (ചരക്കുകളും സേവനങ്ങളും) 750.53 ബില്യണ്‍ ഡോളറായി കണക്കാക്കപ്പെടുന്നു. മുന്‍ സാമ്പത്തിക വര്‍ഷത്തെ ഇതേ കാലയളവിലെ 706.43 ബില്യണ്‍ ഡോളറുമായി താരതമ്യം ചെയ്യുമ്പോള്‍ - വര്‍ഷം തോറും 6.24 ശതമാനം വളര്‍ച്ച കൈവരിച്ചു.
2025 ഫെബ്രുവരിയിലെ ചരക്ക് കയറ്റുമതി വളര്‍ച്ചയുടെ പ്രധാന ഘടകങ്ങളില്‍ ഇലക്ട്രോണിക് ഉല്‍പ്പന്നങ്ങള്‍, അരി, മൈക്ക, കല്‍ക്കരി, മറ്റ് അയിരുകള്‍, സംസ്‌കരിച്ച ധാതുക്കള്‍ ഉള്‍പ്പെടെയുള്ള ധാതുക്കള്‍, എല്ലാ തുണിത്തരങ്ങളുടെയും റെഡിമെയ്ഡ് വസ്ത്രങ്ങള്‍, കാപ്പി എന്നിവ ഉള്‍പ്പെടുന്നു.
യുഎസ്, യുണൈറ്റഡ് അറബ് എമിറേറ്റ്‌സ്, യുണൈറ്റഡ് കിംഗ്ഡം, ചൈന, ജപ്പാന്‍, ബ്രസീല്‍, ഓസ്ട്രേലിയ തുടങ്ങിയ പ്രധാന പങ്കാളികളുമായുള്ള വ്യാപാരം ഗണ്യമായി തുടര്‍ന്നു. 2023-24 സാമ്പത്തിക വര്‍ഷത്തെ വ്യാപാര കമ്മി 78.12 ബില്യണ്‍ ഡോളറായി രേഖപ്പെടുത്തി. ഇത് 2023 സാമ്പത്തിക വര്‍ഷത്തിലെ 121.6 ബില്യണ്‍ ഡോളറില്‍ നിന്ന് കുറഞ്ഞതായി ധനകാര്യ മന്ത്രാലയം അറിയിച്ചു.