ഐസിഐസിഐ, എച് ഡി എഫ് സി ബാങ്കുകളുടെ ഐടി റിസോഴ്‌സ് തീവ്രഗുരുതര ഘടകങ്ങൾ

ഡെല്‍ഹി: ഐസിഐസിഐ, എച് ഡി എഫ് സി ബാങ്കുകളുടെയും യുപിഐ മാനേജിങ് കമ്പനിയായ നാഷണൽ പേയ്മെന്റ്സ് കോർപറേഷൻ ഓഫ് ഇന്ത്യ (NPCI) യുടെയും ഐടി സാങ്കേതിക വിഭാഗങ്ങൾ 'നിര്‍ണ്ണായക ഇന്‍ഫര്‍മേഷന്‍ ഇന്‍ഫ്രാസ്ട്രക്ചര്‍ (Critical Information Infrastructure) ആയി പ്രഖ്യാപിച്ച് സര്‍ക്കാര്‍.

ഇതിന് എന്തെങ്കിലും ദോഷം ഉണ്ടായാല്‍ അത് ദേശീയ സുരക്ഷയെ ബാധിക്കുമെന്നും, ഇതിലേക്ക് അനധികൃതമായി പ്രവേശിക്കുന്ന ഏതൊരു വ്യക്തിക്കും 10 വര്‍ഷം വരെ തടവ് ലഭിക്കുമെന്നും സര്‍ക്കാര്‍ ഔദ്യോഗിക അറിയിപ്പില്‍ പറഞ്ഞു.

ഇലക്ട്രോണിക്‌സ് ആന്‍ഡ് ഐടി മന്ത്രാലയം (MeitY), ജൂണ്‍ 16 ലെ വിജ്ഞാപനത്തില്‍, 2000 ലെ ഐടി ആക്റ്റിന്റെ സെക്ഷന്‍ 70 പ്രകാരം സ്വകാര്യമേഖലയിലെ വായ്പക്കാരന്റെ ഐടി സാങ്കേതി വിഭവങ്ങളെ നിര്‍ണായകമായ അടിസ്ഥാന സൗകര്യങ്ങളായി പ്രഖ്യാപിച്ചു.

ഐസിഐസിഐ ബാങ്ക് അധികാരപ്പെടുത്തിയ നിയുക്ത ജീവനക്കാര്‍, കരാര്‍ മാനേജ്മെന്റ് സേവന ദാതാക്കളുടെ അംഗീകൃത ടീം അംഗങ്ങള്‍ അല്ലെങ്കില്‍ ആവശ്യം അടിസ്ഥാനമാക്കിയുള്ള ആക്സസിന് ബാങ്ക് അധികാരപ്പെടുത്തിയ മൂന്നാം കക്ഷി വെണ്ടര്‍മാര്‍, ബാങ്ക് അധികാരപ്പെടുത്തിയ ഏതെങ്കിലും കണ്‍സള്‍ട്ടന്റ്, റെഗുലേറ്റര്‍, സര്‍ക്കാര്‍ ഉദ്യോഗസ്ഥന്‍, ഓഡിറ്റര്‍, ഓഹരി ഉടമകള്‍ എന്നിവര്‍ക്ക് മാത്രമേ ഇത്‌ലഭ്യമാകുകയുള്ളു.