സര്‍ക്കാര്‍ കമ്പ്യൂട്ടറുകളില്‍ യുഎസ് നിര്‍മ്മിത ചിപ്പുകള്‍ നിരോധിച്ച് ചൈന
- ഡിസംബറില്‍ അവതരിപ്പിച്ച നിര്‍ദ്ദേശങ്ങളാണ് നടപ്പിലാക്കിയത്
- ടൗണ്‍ഷിപ്പ് തലത്തിന് മുകളിലുള്ള സര്‍ക്കാര്‍ ഏജന്‍സികള്‍ക്ക് നിര്‍ദ്ദേശം ബാധകം
- യുഎസും ചൈനയും തമ്മിലുള്ള വ്യാപാരയുദ്ധം പുതിയ തലത്തിലേക്ക് നീങ്ങുകയാണ്
സര്‍ക്കാര്‍ പേഴ്‌സണല്‍ കമ്പ്യൂട്ടറുകളിലും സെര്‍വറുകളിലും ഇന്റല്‍, എഎംഡി ചിപ്പുകളുടെ ഉപയോഗം തടയാന്‍ ലക്ഷ്യമിട്ടുള്ള പുതിയ മാര്‍ഗ്ഗനിര്‍ദ്ദേശങ്ങള്‍ ചൈന നടപ്പിലാക്കിയതായി റിപ്പോര്‍ട്ട്.
ഡിസംബര്‍ 26-ന് അവതരിപ്പിച്ച ചൈനീസ് ഗവണ്‍മെന്റ് ബോഡികള്‍ക്കും ഓര്‍ഗനൈസേഷനുകള്‍ക്കുമുള്ള സംഭരണ നിയമങ്ങള്‍ ഇപ്പോള്‍ പ്രാബല്യത്തില്‍ ഉണ്ട്.
ചൈനീസ് ഇതരമാര്‍ഗങ്ങള്‍ പ്രോത്സാഹിപ്പിക്കുന്നതിനാല്‍ മൈക്രോസോഫ്റ്റിന്റെ വിന്‍ഡോസ് ഓപ്പറേറ്റിംഗ് സിസ്റ്റത്തെയും വിദേശ നിര്‍മ്മിത ഡാറ്റാബേസ് സോഫ്റ്റ് വെയറിനെയും ഇത് ബാധിക്കുമെന്ന് പ്രതീക്ഷിക്കുന്നു.
ടൗണ്‍ഷിപ്പ് തലത്തിന് മുകളിലുള്ള സര്‍ക്കാര്‍ ഏജന്‍സികള്‍ 'സുരക്ഷിതവും വിശ്വസനീയവുമായ' പ്രോസസ്സറുകളും ഓപ്പറേറ്റിംഗ് സിസ്റ്റങ്ങളും വാങ്ങേണ്ടതുണ്ട് എന്നതാണ് പുതിയ നയം.
വിദേശ സാങ്കേതിക വിദ്യയെ ആശ്രയിക്കുന്നത് കുറയ്ക്കുന്നതിന് ആഭ്യന്തര അര്‍ദ്ധചാലക വ്യവസായത്തെ ശക്തിപ്പെടുത്താന്‍ ചൈന ശ്രമിക്കുന്ന സാഹചര്യത്തിലാണ് ഈ നീക്കം.
പ്രധാന അര്‍ദ്ധചാലക ഉപകരണങ്ങളും സാങ്കേതികവിദ്യകളും ആക്സസ് ചെയ്യുന്നതില്‍ നിന്ന് ബെയ്ജിംഗിനെ തടയാന്‍ യുഎസ് മുമ്പ് കയറ്റുമതി നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. തല്‍ഫലമായി, ചൈനയിലെ ആഭ്യന്തര ചിപ്പ് ഉപകരണ നിര്‍മ്മാണ സ്ഥാപനങ്ങളുടെ വരുമാനത്തില്‍ ഗണ്യമായ വര്‍ധനവ് ഉണ്ടായിട്ടുണ്ട്.
യുഎസും ചൈനയും തമ്മിലുള്ള സാങ്കേതിക യുദ്ധത്തിനിടയിലാണ് ഈ നീക്കം. പ്രധാന അര്‍ദ്ധചാലക ഉപകരണങ്ങളില്‍ നിന്നും സാങ്കേതികവിദ്യകളില്‍ നിന്നും ചൈനയെ ഒഴിവാക്കുക എന്നത് ഇന്ന് യുഎസിന്റെ നയമാണ്.അതിനായി വാഷിംഗ്ടണ്‍ കയറ്റുമതി നിയന്ത്രണങ്ങള്‍ നടപ്പിലാക്കുന്നുമുണ്ട്.