പേടിഎം നടപടി വ്യവസ്ഥകള്‍ പാലിക്കാത്തതിനാലെന്ന് ആര്‍ബിഐ
- ആര്‍ബിഐ നടപടിയുടെ ഫലമായുണ്ടാകുന്ന പ്രത്യേക പോരായ്മകള്‍ വ്യക്തമാക്കാന്‍ ഗവര്‍ണര്‍ വിസമ്മതിച്ചു
- നവീകരണത്തെ പിന്തുണക്കാൻ റിസര്‍വ് ബാങ്ക് പ്രതിജ്ഞാബദ്ധമാണ്
- കമ്പനി ആവശ്യമായ നടപടികള്‍ കൈക്കൊള്ളാത്തപ്പോള്‍ മാത്രം ബിസിനസ് നിയന്ത്രണങ്ങളോ മേല്‍നോട്ട നടപടികളോ ഏർപ്പെടുത്തും
;
മുംബൈ: പേ ടി എമ്മിനെതിരെയുള്ള നീക്കത്തിൽ സമ്പദ് വ്യവസ്ഥയെ ബാധിക്കുന്ന വ്യവസ്ഥാപരമായ ആശങ്കകളൊന്നുമില്ലെന്നും പേടിഎമ്മിലെ 'പോരായ്മകള്‍' മൂലമാണ് നടപടിയെന്നും റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ്.
ആര്‍ബിഐ നടപടിയുടെ ഫലമായുണ്ടാകുന്ന പ്രത്യേക പോരായ്മകള്‍ വ്യക്തമാക്കാന്‍ ഗവര്‍ണര്‍ വിസമ്മതിച്ചു. എന്നാല്‍ പേടിഎമ്മിലെ വ്യവസ്ഥാ ലംഘനമാണ് ഇതിന് കാരണമായതെന്ന് വ്യക്തമാക്കി.
റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) ഒരു ഉത്തരവാദിത്തമുള്ള റെഗുലേറ്ററാണെന്ന് ഊന്നിപ്പറഞ്ഞ ദാസ്, എല്ലാ നിയമങ്ങളും പാലിച്ചിട്ടുണ്ടെങ്കില്‍, ഒരു നിയന്ത്രിത സ്ഥാപനത്തിനെതിരെ സെന്‍ട്രല്‍ ബാങ്ക് എന്തിന് പ്രവര്‍ത്തിക്കണമെന്ന് ചോദിച്ചു.
ആര്‍ബിഐ എന്റിറ്റികളുമായി ഉഭയകക്ഷി അടിസ്ഥാനത്തില്‍ പ്രവര്‍ത്തിക്കുന്നതായും മതിയായ സമയം നല്‍കി അനുസരിക്കാന്‍ പ്രേരിപ്പിക്കുന്നതായും ഗവര്‍ണര്‍ പറഞ്ഞു. എന്റിറ്റി ആവശ്യമായ നടപടികള്‍ കൈക്കൊള്ളാത്തപ്പോള്‍ മാത്രം ബിസിനസ് നിയന്ത്രണങ്ങളോ മേല്‍നോട്ട നടപടികളോ ഏര്‍പ്പെടുത്തുന്നതായി ശക്തികാന്ത ദാസ് പറഞ്ഞു.
വ്യവസ്ഥാപിത സ്ഥിരതയോ നിക്ഷേപകരുടെയോ ഉപഭോക്താക്കളുടെയോ താല്‍പ്പര്യങ്ങള്‍ സംരക്ഷിക്കുന്നതിലൂടെയാണ് പ്രവര്‍ത്തനങ്ങള്‍ നയിക്കപ്പെടുന്നതെന്നും അദ്ദേഹം കൂട്ടിച്ചേര്‍ത്തു.
സാമ്പത്തിക മേഖലയിലെ നവീകരണത്തെ പിന്തുണയ്ക്കാനുള്ള റിസര്‍വ് ബാങ്കിന്റെ പ്രതിജ്ഞാബദ്ധതയും ഗവര്‍ണര്‍ സ്ഥിരീകരിച്ചു.
