യുഎസ് തീരുവ; ഇന്ത്യയുടെ ചങ്ക് ആകാന്‍ ചൈനയൊരുങ്ങുന്നു
- കൂടുതല്‍ ഇന്ത്യന്‍ ഉല്‍പ്പന്നങ്ങള്‍ വാങ്ങാന്‍ തയ്യാറെന്ന് ചൈന
- 2023-24 ല്‍ അയല്‍ക്കാര്‍ തമ്മിലുള്ള ഉഭയകക്ഷി വ്യാപാരം 101.7 ബില്യണ്‍ ഡോളര്‍
- ഇതില്‍ ഇന്ത്യന്‍ കയറ്റുമതി 18 ബില്യണ്‍ ഡോളര്‍ മാത്രം
;
വ്യാപാരം സന്തുലിതമാക്കുന്നതിനായി കൂടുതല്‍ ഇന്ത്യന്‍ ഉല്‍പ്പന്നങ്ങള്‍ വാങ്ങാന്‍ ചൈന തയ്യാറാണെന്ന് ബെയ്ജിംഗിന്റെ അംബാസഡര്‍ സൂ ഫെയ്ഹോങ് പറഞ്ഞു. ദക്ഷിണേഷ്യന്‍ അയല്‍ക്കാരെ ബാധിക്കുമെന്ന് പ്രതീക്ഷിക്കുന്ന യുഎസ് താരിഫ് പ്രഖ്യാപനത്തിന് തൊട്ടുമുമ്പായിരുന്നു അംബാസഡറുടെ പ്രസ്താവന.
'വ്യാപാരത്തിലും മറ്റ് മേഖലകളിലും പ്രായോഗിക സഹകരണം ശക്തിപ്പെടുത്തുന്നതിനും ചൈനീസ് വിപണിക്ക് അനുയോജ്യമായ കൂടുതല്‍ ഇന്ത്യന്‍ ഉല്‍പ്പന്നങ്ങള്‍ ഇറക്കുമതി ചെയ്യുന്നതിനും ഇന്ത്യന്‍ പക്ഷവുമായി പ്രവര്‍ത്തിക്കാന്‍ ഞങ്ങള്‍ തയ്യാറാണ്,'' സൂ ഫെയ്ഹോങ് പറഞ്ഞു. ഗ്ലോബല്‍ ടൈംസ് തിങ്കളാഴ്ച പ്രസിദ്ധീകരിച്ച ഒരു വാര്‍ത്തയിലാണ് ഇക്കാര്യം.
ഇന്ത്യയുടെ വ്യാപാര മന്ത്രാലയത്തിന്റെ കണക്കനുസരിച്ച്, 2023-24 ല്‍ അയല്‍ക്കാര്‍ തമ്മിലുള്ള ഉഭയകക്ഷി വ്യാപാരം 101.7 ബില്യണ്‍ ഡോളറായിരുന്നു. ഇവിടെ ഇന്ത്യ ഗണ്യമായ കമ്മി നേരിടുന്നു. ഇന്ത്യയുടെ പ്രധാന കയറ്റുമതിയില്‍ പെട്രോളിയം എണ്ണ, ഇരുമ്പയിര്, സമുദ്രോത്പന്നങ്ങള്‍, സസ്യ എണ്ണ എന്നിവ ഉള്‍പ്പെടുന്നു, ഇത് സര്‍ക്കാര്‍ കണക്കുകള്‍ പ്രകാരം 18.54 ബില്യണ്‍ ഡോളറാണ്.
നയതന്ത്ര ബന്ധത്തിന്റെ 75-ാം വാര്‍ഷികത്തോടനുബന്ധിച്ചായിരുന്നു പ്രതിനിധിയുടെ പരാമര്‍ശം. യുഎസ് നാളെ ചുമത്താനൊരുങ്ങുന്ന പരസ്പര താരിഫിനു മുന്‍പാണ് ചൈനയുടെ പ്രതികണം എന്നും ശ്രദ്ധേയം.
മാര്‍ച്ചില്‍ ഒരു പോഡ്കാസ്റ്റില്‍ ഇന്ത്യന്‍ പ്രധാനമന്ത്രി നരേന്ദ്ര മോദി ട്രംപിനെ പ്രശംസിച്ചിരുന്നു. അതിര്‍ത്തിയില്‍ സാധാരണ നില പുനഃസ്ഥാപിക്കാന്‍ ചൈനീസ് പ്രസിഡന്റ് ഷി ജിന്‍പിംഗുമായി ചേര്‍ന്ന് പ്രവര്‍ത്തിക്കുന്നുണ്ടെന്നും മോദി പറഞ്ഞു.
2020 ല്‍ ഹിമാലയത്തിലെ ഒരു തര്‍ക്ക പ്രദേശത്ത് സൈനികര്‍ തമ്മിലുണ്ടായ രൂക്ഷമായ ഏറ്റുമുട്ടലിന് ശേഷം ഇരു രാജ്യങ്ങളും തമ്മിലുള്ള ബന്ധം വഷളായിരുന്നു.
നിക്ഷേപം തടഞ്ഞുകൊണ്ടും പ്രത്യേകിച്ച് ചൈനീസ് ടെക് സ്ഥാപനങ്ങള്‍ക്ക് വിശാലമായ ഇന്ത്യന്‍ വിപണിയിലേക്കുള്ള പ്രവേശനം വെട്ടിക്കുറച്ചുകൊണ്ടും ന്യൂഡല്‍ഹി സാമ്പത്തികമായി തിരിച്ചടിച്ചു.
കഴിഞ്ഞ വര്‍ഷം ബ്രിക്‌സ് ഉച്ചകോടിക്കിടെ ഷിയും മോദിയും കൂടിക്കാഴ്ച നടത്തി. ഒരു മഞ്ഞുരുകലിന്റെ സൂചനയായി നേരിട്ടുള്ള വിമാന സര്‍വീസുകള്‍ പുനരാരംഭിക്കാന്‍ സമ്മതിച്ചു.
കഴിഞ്ഞ വര്‍ഷം ബ്രിക്‌സ് ഉച്ചകോടിക്കിടെ ഷിയും മോദിയും കൂടിക്കാഴ്ച നടത്തി. ഒരു മഞ്ഞുരുകലിന്റെ സൂചനയായി നേരിട്ടുള്ള വിമാന സര്‍വീസുകള്‍ പുനരാരംഭിക്കാന്‍ സമ്മതിച്ചു. 2019 മുതല്‍ അതിനുമുമ്പ് അവര്‍ ഒരു ഔദ്യോഗിക ഉഭയകക്ഷി കൂടിക്കാഴ്ച നടത്തിയിരുന്നില്ല എന്നത് സംഭാഷണത്തിന്റെ പ്രാധാന്യം വെളിവാക്കുന്നു.
യുഎസ് താരിഫ് കൂടി വരുന്ന സാഹചര്യത്തില്‍ ഇന്ത്യയുമായി കൈകൊടുക്കുകയാണ് ഉചിതമെന്ന് ചൈന കരുതുന്നു.