ആഗോള വിപണികളിൽ ആഘോഷം, ദലാൽ തെരുവിനും ഇന്ന് പ്രതീക്ഷയുടെ ദിനം

ആഗോള വിപണിയിലെ പോസിറ്റീവ് സൂചനകളെ തുടർന്ന് ആഭ്യന്തര ഓഹരി വിപണി സൂചികകളായ സെൻസെക്സും നിഫ്റ്റിയും ഇന്ന് ഉയർന്ന നിലയിൽ തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി പോസിറ്റീവായി തുറന്നു. ഏഷ്യൻ വിപണികൾ കുതിച്ചുയർന്നു. യുഎസ് കോർ പണപ്പെരുപ്പത്തിലെ ഇടിവിന് ശേഷം യുഎസ് ഓഹരി വിപണി  ഉയർന്ന നിലയിൽ അവസാനിച്ചു. ബുധനാഴ്ച,  ഇന്ത്യൻ ഓഹരി വിപണി നേട്ടത്തിൽ അവസാനിച്ചു.

ഗിഫ്റ്റ് നിഫ്റ്റി 

ഗിഫ്റ്റ് നിഫ്റ്റി ഏകദേശം 23,406 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചറുകളുടെ മുൻ ക്ലോസിനേക്കാൾ ഏകദേശം 140 പോയിന്റിന്റെ പ്രീമിയം. ഇത് ഇന്ത്യൻ ഓഹരി വിപണി സൂചികകൾക്ക് ഒരു പോസിറ്റീവ് തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

വാൾ സ്ട്രീറ്റിലെ റാലിയെ തുടർന്ന് ഏഷ്യൻ വിപണികൾ മികച്ച പ്രകടനം നടത്തുന്നു.  ജപ്പാന്റെ നിക്കി  0.61% നേട്ടമുണ്ടാക്കിയപ്പോൾ ടോപിക്സ് 0.23% ഉയർന്നു. ദക്ഷിണ കൊറിയയുടെ കോസ്പി 1.16% ഉയർന്നു. കോസ്ഡാക്ക് സൂചിക 1.65% ഉയർന്നു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ ശക്തമായ ഓപ്പണിംഗിനെ സൂചിപ്പിക്കുന്നു.

വാൾ സ്ട്രീറ്റ് 

ഡിസംബറിൽ കോർ പണപ്പെരുപ്പം അപ്രതീക്ഷിതമായി കുറഞ്ഞതായി ഏറ്റവും പുതിയ ഉപഭോക്തൃ വില സൂചിക റിപ്പോർട്ട് സൂചിപ്പിച്ചതിനെ തുടർന്ന് ബുധനാഴ്ച യുഎസ് ഓഹരി വിലകൾ കുതിച്ചുയർന്നു. യുഎസിലെ പ്രധാന ബാങ്കുകൾ ത്രൈമാസ വരുമാന റിപ്പോർട്ടിംഗ് സീസണിന് തുടക്കം കുറിച്ചതും വിപണിക്ക് കരുത്ത് പകർന്നു. ഡൗ ജോൺസ് വ്യാവസായിക ശരാശരി 703.27 പോയിന്റ് അഥവാ 1.65% ഉയർന്ന് 43,221.55 ൽ അവസാനിച്ചു. എസ് ആൻറ് പി 1.83% ഉയർന്ന് 5,949.91 ലും നാസ്ഡാക്ക് കോമ്പോസിറ്റ് 2.45% ഉയർന്ന് 19,511.23 ലും എത്തി. മൂന്ന് പ്രധാന സൂചികകൾക്കകും നവംബർ 6 ന് ശേഷമുള്ള ഏറ്റവും മികച്ച ദിവസമായിരുന്നു ഇന്നലെ.

ഇന്ത്യൻ വിപണി

ആഭ്യന്തര വിപണി ഇന്നലെ നേട്ടത്തോടെയാണ് ക്ലോസ് ചെയ്തത്. റിലയൻസ് ഇൻഡസ്ട്രീസ്, സൊമാറ്റോ, കൊട്ടക് ബാങ്ക് തുടങ്ങിയ ഓഹരികളുടെ കുതിപ്പാണ് വിപണിക്ക് അനുകൂലമായത്.സെൻസെക്സ് 224.45 പോയിന്റ് അഥവാ 0.29 ശതമാനം ഉയർന്ന് 76,724.08 ൽ ക്ലോസ് ചെയ്തു. നിഫ്റ്റി 37.15 പോയിന്റ് അഥവാ 0.16 ശതമാനം ഉയർന്ന് 23,213.20 എന്ന നിലയിലാണ് ക്ലോസ് ചെയ്തത്.

എൻ‌ടി‌പി‌സി, പവർ ഗ്രിഡ്, കൊട്ടക് മഹീന്ദ്ര ബാങ്ക്, മാരുതി, ടെക് മഹീന്ദ്ര, ലാർസൻ & ട്യൂബ്രോ, റിലയൻസ് ഇൻഡസ്ട്രീസ്, അദാനി പോർട്ട്സ് എന്നി ഓഹരികൾ നേട്ടമുണ്ടാക്കിയപ്പോൾ മഹീന്ദ്ര & മഹീന്ദ്ര, ബജാജ് ഫിൻ‌സെർവ്, ബജാജ് ഫിനാൻസ്, ആക്സിസ് ബാങ്ക്, ടാറ്റ മോട്ടോഴ്‌സ് എന്നിവ നഷ്ടത്തിലാണ് വ്യാപാരം അവസാനിപ്പിച്ചത്.

സെക്ടറിൽ സൂചികയിൽ നിഫ്റ്റി റിയലിറ്റി സൂചിക മികച്ച നേട്ടം രേഖപ്പെടുത്തി. സൂചിക 1.36% ഉയർന്നു. നിഫ്റ്റി ഐടി 0.80% നേട്ടത്തോടെ ക്ലോസ് ചെയ്തു. നിഫ്റ്റി മെറ്റൽ 0.16 നേട്ടത്തോടെയാണ് ഇന്ന് വ്യാപാരം അവസാനിപ്പിച്ചത്.ഒരു ശതതമാനം നഷ്ടത്തോടെ നിഫ്റ്റി ഫർമാ ക്ലോസ് ചെയ്തു. 1.36% താഴ്ന്ന് നിഫ്റ്റി മീഡിയ അവസാനിച്ചു. നേരിയ ഇടിവോടെ നിഫ്റ്റി എഫ്എംസിജി സൂചിക അവസാനിച്ചു. അര ശതമാനം ഇടിവോടെ നിഫ്റ്റി ഓട്ടോ അവസാനിച്ചു. ഫ്ലാറ്റായി അവസാനിച്ച് ബാങ്ക് നിഫ്റ്റി. ബിഎസ്ഇ മിഡ്ക്യാപ് സൂചിക ഫ്ലാറ്റായി അവസാനിച്ചു, സ്മോൾക്യാപ് സൂചിക 0.3 ശതമാനം ഉയർന്നു.

പ്രതിരോധവും പിന്തുണയും

നിഫ്റ്റി 

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 23,274, 23,309, 23,365

 പിന്തുണ: 23,162, 23,127, 23,070

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 49,000, 49,133, 49,347

 പിന്തുണ: 48,572, 48,439, 48,225

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), ജനുവരി 15 ന് മുൻ സെഷനിലെ 0.86 ലെവലിൽ നിന്ന് 0.82 ആയി കുറഞ്ഞു.

ഇന്ത്യ വിക്സ്

 വിപണിയിലെ ചാഞ്ചാട്ടം അളക്കുന്ന ഇന്ത്യ വിക്സ് സൂചിക 1.37 ശതമാനം ഇടിഞ്ഞ് 15.26 ആയി.

സ്വർണ്ണ വില 

യുഎസ് കോർ പണപ്പെരുപ്പം പ്രതീക്ഷിച്ചതിലും കുറഞ്ഞതിനെ തുടർന്ന് സ്വർണ്ണ വില ഒരു മാസത്തെ ഉയർന്ന നിലയിലെത്തി. ഡിസംബർ 12 ന് ശേഷമുള്ള ഏറ്റവും ഉയർന്ന നിരക്കായ സ്പോട്ട് ഗോൾഡ് ഔൺസിന് 2,695.84 ഡോളറിൽ ൽ സ്ഥിരമായി നിലനിന്നു, അതേസമയം യുഎസ് സ്വർണ്ണ ഫ്യൂച്ചറുകൾ 0.2% ഉയർന്ന് 2,723.൮൦ ഡേളരിലെത്തി.

വിദേശ നിക്ഷേപക സ്ഥാപനങ്ങൾ

ബുധനാഴ്ച വിദേശ പോർട്ട്‌ഫോളിയോ നിക്ഷേപകർ 4,533 കോടി രൂപയുടെ ഓഹരികൾ വിറ്റു.ആഭ്യന്തര നിക്ഷേപകർ 3,682 കോടി രൂപയുടെ ഓഹരികൾ വാങ്ങി.

രൂപ

തുടർച്ചയായ രണ്ടാം സെഷനിലും രൂപയുടെ മൂല്യം  ഉയർന്നു. ബുധനാഴ്ച യുഎസ് ഡോളറിനെതിരെ 13 പൈസ ഉയർന്ന് 86.40 എന്ന നിലയിലെത്തി. ആഭ്യന്തര ഓഹരി വിപണികളിൽ നിന്നുള്ള അനുകൂല സൂചനകളും ക്രൂഡ് ഓയിൽ വിലയിൽ നേരിയ ഇടിവും ഇതിന് കാരണമായി.

ഇന്ന് ഫലം പ്രഖ്യാപിക്കുന്ന കമ്പനികൾ

റിലയൻസ് ഇൻഡസ്ട്രീസ്, ഇൻഫോസിസ്, ആക്സിസ് ബാങ്ക്, എൽടിഐമൈൻഡ്ട്രീ, അലോക് ഇൻഡസ്ട്രീസ്, ഹാവെൽസ് ഇന്ത്യ, ബൻസാലി എഞ്ചിനീയറിംഗ് പോളിമേഴ്‌സ്, ഡി ബി കോർപ്പ്, ഹാറ്റ്സൺ അഗ്രോ പ്രൊഡക്റ്റ്, കെസോറാം ഇൻഡസ്ട്രീസ്, മാസ്റ്റെക്, മെട്രോ ബ്രാൻഡ്‌സ്, മുദ്ര ഫിനാൻഷ്യൽ സർവീസസ്, പ്ലാസ്റ്റിബ്ലെൻഡ്‌സ് ഇന്ത്യ, ഷെമറൂ എന്റർടൈൻമെന്റ്, സ്പെൻസേഴ്‌സ് റീട്ടെയിൽ, സ്റ്റെർലിംഗ് ആൻഡ് വിൽസൺ റിന്യൂവബിൾ എനർജി, വാരി റിന്യൂവബിൾ ടെക്‌നോളജീസ് എന്നിവ.

ഇന്ന് ശ്രദ്ധിക്കേണ്ട ഓഹരികൾ

റെയിൽ വികാസ് നിഗം ​​(ആർവിഎൻഎൽ)

ഡിസൈൻ, ബിൽഡ്, ഓപ്പറേറ്റ്, മെയിന്റെയിൻ (ഡിബിഒഎം) മോഡലിന് കീഴിൽ ഭാരത്നെറ്റിന്റെ മിഡിൽ മൈൽ നെറ്റ്‌വർക്കിന്റെ വികസനം, പ്രവർത്തനം, പരിപാലനം എന്നിവയ്ക്കായി ഭാരത് സഞ്ചാർ നിഗം ​​ലിമിറ്റഡിൽ (ബിഎസ്എൻഎൽ) നിന്ന് 3,622 കോടി രൂപയുടെ ഓർഡറിന് ആർവിഎൻഎല്ലിന് സ്വീകാര്യതാ കത്ത് ലഭിച്ചു.

ഗെയിൽ ഇന്ത്യ

സെഫ് മാർക്കറ്റിംഗ്  സിംഗപ്പൂർ പ്രൈവറ്റ് ലിമിറ്റഡുമായി കമ്പനി ഒരു ഒത്തുതീർപ്പ് കരാറിൽ ഏർപ്പെട്ടിട്ടുണ്ട്. ലണ്ടൻ കോർട്ട് ഓഫ് ഇന്റർനാഷണൽ ആർബിട്രേഷന് മുമ്പാകെയുള്ള ആർബിട്രേഷൻ നടപടികൾ പിൻവലിക്കുന്നതിനൊപ്പം സെഫ് മാർക്കറ്റിംഗ്  ഗെയിലിന് 285 മില്യൺ ഡോളർ നൽകണമെന്നതും കരാറിന്റെ നിബന്ധനകളിൽ ഉൾപ്പെടുന്നു.

ഹാപ്പിയസ്റ്റ് മൈൻഡ്സ് ടെക്നോളജീസ്

ഒരു നൂതന  സംഭാഷണ ഇന്റർഫേസ് വിന്യസിക്കുന്നതിനായി കമ്പനി കൊക്ക-കോള ബിവറേജസ് വിയറ്റ്നാമുമായി സഹകരിച്ച് പ്രവർത്തിക്കുമെന്ന് പ്രഖ്യാപിച്ചു.

എക്സൈഡ് ഇൻഡസ്ട്രീസ്

അവകാശ അടിസ്ഥാനത്തിൽ ഇക്വിറ്റി ഷെയർ ക്യാപിറ്റലിന്റെ സബ്‌സ്‌ക്രിപ്‌ഷൻ വഴി കമ്പനി അതിന്റെ അനുബന്ധ സ്ഥാപനമായ എക്സൈഡ് എനർജി സൊല്യൂഷനിൽ 150 കോടി രൂപ നിക്ഷേപിച്ചു. ഈ നിക്ഷേപത്തോടെ, എക്സൈഡ് എനർജി സൊല്യൂഷനിൽ കമ്പനി നടത്തിയ മൊത്തം നിക്ഷേപം 3,302.23 കോടി രൂപയാണ്. ഈ ഏറ്റെടുക്കൽ കാരണം എക്സൈഡ് എനർജി സൊല്യൂഷനിൽ കമ്പനിയുടെ ഓഹരി പങ്കാളിത്ത ശതമാനത്തിൽ മാറ്റമൊന്നുമില്ല.

രാശി പെരിഫെറൽസ്

സൈബർ സുരക്ഷാ പരിഹാരങ്ങളിൽ വൈദഗ്ദ്ധ്യം നേടിയ  സാറ്റ്കോം ഇൻഫോടെക്കിൽ 70% ഓഹരികൾ സ്വന്തമാക്കാനുള്ള ഉദ്ദേശ്യം കമ്പനി പ്രഖ്യാപിച്ചു.

പുറവങ്കര

ഗ്രൂപ്പ് സിഎഫ്ഒയുടെ നിയമനത്തെത്തുടർന്ന്, ജനുവരി 15 മുതൽ കമ്പനിയുടെ ഗ്രൂപ്പ് സിഎഫ്ഒ (അഡീഷണൽ ചാർജ്) സ്ഥാനത്ത് നിന്ന് അഭിഷേക് കപൂർ രാജിവച്ചു.

സ്വിഗ്ഗി

കമ്പനിയുടെ പൂർണ ഉടമസ്ഥതയിലുള്ള ഉപസ്ഥാപനമായ സ്വിഗ്ഗി സ്പോർട്സ് സംയോജിപ്പിക്കുന്നതിന് കോർപ്പറേറ്റ് കാര്യ മന്ത്രാലയം അംഗീകാരം നൽകി.

മാൻ ഇൻഡസ്ട്രീസ് (ഇന്ത്യ)

പ്രിഫറൻഷ്യൽ അടിസ്ഥാനത്തിൽ സെക്യൂരിറ്റികൾ ഇഷ്യു ചെയ്യുന്നതിലൂടെ ഫണ്ട് സ്വരൂപിക്കുന്നത് പരിഗണിക്കുന്നതിന് ജനുവരി 18 ന് ബോർഡ് യോഗം ചേരും.

ഇന്ത്യൻ റെയിൽവേ ഫിനാൻസ് കോർപ്പറേഷൻ (IRFC)

250 കോടി രൂപയുടെ എട്ട്  റേക്കുകൾക്കായി എൻടിപിസിയുമായി കമ്പനി പാട്ടക്കരാർ ഒപ്പുവച്ചു.