വില്‍പ്പന തുടര്‍ന്ന് വിദേശ നിക്ഷേപകര്‍
- ഈ മാസം വിറ്റഴിച്ചത് 22,194 കോടിയുടെ ഓഹരികള്‍
- ഡിസംബറില്‍ 15,446 കോടി രൂപയുടെ നിക്ഷേപം നടത്തിയിരുന്നു
- താരിഫ് യുദ്ധത്തെക്കുറിച്ചുള്ള ആശങ്കകള്‍, ജിഡിപി മാന്ദ്യം, ഉയര്‍ന്ന പണപ്പെരുപ്പം എന്നിവയും വിറ്റഴിക്കിലിന് കാരണം
വിദേശ നിക്ഷേപകരുടെ ഓഹരിവില്‍പ്പന തുടരുന്നു. 22,194 കോടി രൂപയുടെ ഓഹരികളാണ് വിദേശികള്‍ വിറ്റഴിച്ചത് . ദുര്‍ബലമായ വരുമാന സീസണ്‍, യുഎസ് ഡോളറിന്റെ സ്ഥിരമായ ഉയര്‍ച്ച, താരിഫ് യുദ്ധത്തെക്കുറിച്ചുള്ള ആശങ്കകള്‍ എന്നിവയാണ് ഇത് പ്രധാന കാരണം.
ഡിസംബറില്‍ 15,446 കോടി രൂപയുടെ നിക്ഷേപമാണ് എഫ്പിഐകള്‍ നടത്തിയിരുന്നതെന്ന് ഡിപ്പോസിറ്ററികളിലെ കണക്കുകള്‍ വ്യക്തമാക്കുന്നു. തിരിച്ചടി നേരിടുന്ന സാഹചര്യത്തില്‍ വിദേശ നിക്ഷേപകര്‍ ഇന്ത്യന്‍ ഇക്വിറ്റികളിലെ നിക്ഷേപം ഗണ്യമായി കുറച്ചിട്ടുണ്ട്.
''ഇന്ത്യന്‍ വിപണിയില്‍ നിന്നുള്ള വിദേശ പണത്തിന്റെ ഈ പുറത്തോക്കുള്ള ഒഴുക്കിന് പ്രധാന കാരണം മറ്റൊരു ദുര്‍ബലമായ വരുമാന സീസണ്‍ പ്രതീക്ഷിക്കുന്നതിനാലാണ്. ട്രംപിന്റെ കീഴിലുള്ള താരിഫ് യുദ്ധത്തെക്കുറിച്ചുള്ള ആശങ്കകള്‍, ജിഡിപി വളര്‍ച്ചയിലെ മാന്ദ്യം, ഇപ്പോഴും ഉയര്‍ന്ന പണപ്പെരുപ്പ സംഖ്യകള്‍, അനിശ്ചിതത്വം എന്നിങ്ങനെയുള്ള ഘടകങ്ങളും വിറ്റഴിക്കിലിന് കാരണമാണ്'', മോണിംഗ്സ്റ്റാര്‍ ഇന്‍വെസ്റ്റ്മെന്റ് റിസര്‍ച്ച് ഇന്ത്യ മാനേജര്‍ റിസര്‍ച്ച് അസോസിയേറ്റ് ഡയറക്ടര്‍ ഹിമാന്‍ഷു ശ്രീവാസ്തവ പറഞ്ഞു.
കൂടാതെ, ഇന്ത്യന്‍ രൂപയുടെ റെക്കോര്‍ഡ് താഴ്ന്ന നിലവാരം, യുഎസ് ബോണ്ട് വരുമാനത്തിലെ കുതിച്ചുചാട്ടം, ഇന്ത്യന്‍ വിപണികളുടെ സമ്പന്നമായ മൂല്യനിര്‍ണ്ണയം എന്നിവയും ഇന്ത്യന്‍ ഓഹരികളെ വിദേശ നിക്ഷേപകര്‍ക്ക് ആകര്‍ഷകമാക്കുന്നില്ല.
ഡാറ്റ അനുസരിച്ച്, ഈ മാസം ഇതുവരെ (ജനുവരി 10 വരെ) ഇന്ത്യന്‍ ഇക്വിറ്റികളില്‍ നിന്ന് വിദേശ പോര്‍ട്ട്ഫോളിയോ നിക്ഷേപകര്‍ (എഫ്പിഐ) 22,194 കോടി രൂപയുടെ ഓഹരികള്‍ വിറ്റഴിച്ചു. ജനുവരി 2 ഒഴികെയുള്ള എല്ലാ വ്യാപാര ദിനങ്ങളിലും എഫ്പിഐകള്‍ വില്‍പ്പനക്കാരാണ്.
'എഫ്പിഐകളുടെ നിരന്തരമായ വില്‍പ്പനയുടെ പ്രധാന കാരണം ഡോളര്‍ സൂചികയുടെ സ്ഥിരമായ ഉയര്‍ച്ചയാണ്. 10 വര്‍ഷത്തെ ബോണ്ട് യീല്‍ഡ് 4.6 ശതമാനത്തിന് മുകളിലായത് ഇന്ത്യയെപ്പോലുള്ള വളര്‍ന്നുവരുന്ന വിപണികളില്‍ നിന്നുള്ള മൂലധന പ്രവാഹം ഉറപ്പാക്കുന്നു', ജിയോജിത് ഫിനാന്‍ഷ്യല്‍ സര്‍വീസസിലെ ചീഫ് ഇന്‍വെസ്റ്റ്മെന്റ് സ്ട്രാറ്റജിസ്റ്റ് വി കെ വിജയകുമാര്‍ പറഞ്ഞു.