മഹാരാഷ്ട്രയില്‍ ടൊയോട്ട പുതിയ നിര്‍മ്മാണ യൂണിറ്റ് സ്ഥാപിക്കുന്നു
- ഛത്രപതി സംഭാജിനഗറിലാണ് ഇലക്ട്രിക്, ഹൈബ്രിഡ് കാറുകള്‍ക്കായി പുതിയ യൂണിറ്റ് സ്ഥാപിക്കുന്നത്
- ടൊയോട്ട ഈ പ്ലാന്റിനായി 21,000 കോടി രൂപ നിക്ഷേപിക്കും
- 2026 ജനുവരി മുതല്‍ ഉല്‍പ്പാദനം ആരംഭിക്കുമെന്ന് പ്രതീക്ഷ
മഹാരാഷ്ട്രയിലെ ഛത്രപതി സംഭാജിനഗറില്‍ ടൊയോട്ട കിര്‍ലോസ്‌കര്‍ മോട്ടോറിന് (ടികെഎം) 827 ഏക്കര്‍ സ്ഥലം അനുവദിച്ചതായി റിപ്പോര്‍ട്ട്. ഇലക്ട്രിക്, ഹൈബ്രിഡ് കാറുകള്‍ക്കായി ഗ്രീന്‍ഫീല്‍ഡ് നിര്‍മ്മാണ കേന്ദ്രം സ്ഥാപിക്കുന്നതിനുള്ള കരാറില്‍ ടികെഎം ജൂലൈ 31 ന് സംസ്ഥാന സര്‍ക്കാരുമായി ഒപ്പുവച്ചിരുന്നു.
ഈ പദ്ധതി നിക്ഷേപങ്ങള്‍ ആകര്‍ഷിക്കാന്‍ തുടങ്ങി. വ്യവസായ നഗരത്തില്‍ ടൊയോട്ട കിര്‍ലോസ്‌കര്‍ മോട്ടോര്‍ പ്രൈവറ്റ് ലിമിറ്റഡിന് 827 ഏക്കര്‍ സ്ഥലം ഇന്ന് അനുവദിച്ചു, അദ്ദേഹം പറഞ്ഞു.
'കമ്പനി (ടികെഎം) ഈ (നിര്‍മ്മാണ) പ്ലാന്റിനായി 21,000 കോടി രൂപ നിക്ഷേപിക്കും. ജോലി ഉടന്‍ ആരംഭിക്കും, 2026 ജനുവരി മുതല്‍ ഉല്‍പ്പാദനം ആരംഭിക്കുമെന്ന് പ്രതീക്ഷിക്കുന്നു. ഈ പദ്ധതി 8,000 നേരിട്ടുള്ള തൊഴിലവസരങ്ങളും 18,000 പരോക്ഷ തൊഴിലവസരങ്ങളും സൃഷ്ടിക്കും,' ഉദ്യോഗസ്ഥര്‍ കൂട്ടിച്ചേര്‍ത്തു.
20,000 കോടി രൂപ മുതല്‍മുടക്കില്‍ പ്രതിവര്‍ഷം 4 ലക്ഷം ഇലക്ട്രിക്, ഹൈബ്രിഡ് കാറുകള്‍ നിര്‍മ്മിക്കുമെന്ന് പ്രതീക്ഷിക്കുന്നതായി ടികെഎമ്മുമായുള്ള കരാര്‍ ഒപ്പിട്ട ശേഷം മുഖ്യമന്ത്രി ഏകനാഥ് ഷിന്‍ഡെ പറഞ്ഞു. ഈ പദ്ധതി ഓട്ടോമൊബൈല്‍ മേഖലയില്‍ വിപ്ലവം സൃഷ്ടിക്കുമെന്ന് അദ്ദേഹം കൂട്ടിച്ചേര്‍ത്തു.