ഇന്ത്യയുടെ സ്വന്തം ഇൻഡസ് ആപ്പ് സ്റ്റോർ പുറത്തിറക്കി ഫോൺപേ

ഗൂഗിൾ പ്ലേ സ്റ്റോറിന് വെല്ലുവിളിയായി ഫോൺപേ ഇന്ത്യയുടെ സ്വന്തം ഇൻഡസ് ആപ്പ് സ്റ്റോർ' പുറത്തിറക്കി. 2 ലക്ഷത്തിലധികം ആപ്പുകളും ഗെയിമുകളും ഉൾക്കൊള്ളുന്ന ആപ്പ് സ്റ്റോർ 12 ഇന്ത്യൻ ഭാഷകളിൽ ലഭ്യമാണ്. ആദ്യ വർഷം ആപ്പ് ലിസ്റ്റിംഗുകൾ സൗജന്യമായിരിക്കും, എന്നാൽ അതിനുശേഷം ചെറിയ വാർഷിക ഫീസ് ഈടാക്കും. കൂടാതെ ഗൂഗിൾ പ്ലേ സ്റ്റോർ ഈടാക്കുന്ന 15-30% കമ്മീഷനുപകരം ഇൻ-ആപ്പ് വാങ്ങലുകൾക്ക് പൂജ്യം ശതമാനം കമ്മീഷനാണ് ഇൻഡസ് ആപ്പ് ഈടാക്കുന്നത്. ഡെവലപ്പർമാർക്ക് ഏതെങ്കിലും മൂന്നാം കക്ഷി പേയ്‌മെന്റ് ഗേറ്റ്‌വേ ഉപയോഗിക്കാനും കഴിയും.

പുതിയ ആപ്പുകൾ കണ്ടെത്താൻ, ഒരു പുതിയ ഹ്രസ്വ-വീഡിയോ അടിസ്ഥാനമാക്കിയുള്ള കണ്ടെത്തൽ ഫീച്ചറും ആപ്പ് സ്റ്റോർ വാഗ്ദാനം ചെയ്യുന്നു. ഡെവലപ്പർമാർക്ക് 12 ഇന്ത്യൻ ഭാഷകളിൽ ആപ്പുകൾ ലിസ്റ്റ് ചെയ്യാനും മീഡിയയും വീഡിയോകളും അപ്‌ലോഡ് ചെയ്യാനും കഴിയും.

ഫോൺപേ 2023 നവംബറോടെ നോക്കിയ, ലാവ തുടങ്ങിയ ഒഇഎമ്മുകളുമായി പങ്കാളിത്തം സ്ഥാപിച്ചിട്ടുണ്ട്. ഇതോടെ 200-250 ദശലക്ഷം ഡിവൈസുകളിൽ ഇൻഡസ് ആപ്പ് സ്റ്റോർ ലഭ്യമാകുമെന്ന് പ്രതീക്ഷിക്കുന്നു. 

ഗൂഗിളിന്റെ പ്ലേ സ്റ്റോർ നയങ്ങളും കമ്മീഷൻ ഫീസുകളും സംബന്ധിച്ചുള്ള തർക്കത്തിന്റെ പശ്ചാത്തലത്തിലാണ് ഇൻഡസ് ആപ്പ് സ്റ്റോർ വരുന്നത്. ഗൂഗിളിന്റെ നിയന്ത്രണങ്ങൾക്കെതിരെ ഒരു ഇന്ത്യൻ പരിഹാരം എന്ന നിലയിലാണ് ഫോൺപെയ് ഇൻഡസ് ആപ്പ് സ്റ്റോറിനെ കാണുന്നത്. ഇത് ഇന്ത്യൻ ഡിജിറ്റൽ ഇക്കോസിസ്റ്റത്തെ കൂടുതൽ ജനാധിപത്യപരവും സജീവവുമാക്കുമെന്ന് കമ്പനി പ്രതീക്ഷിക്കുന്നു.