​സെപ്തംബറില്‍ ഹീറോ മോട്ടോകോര്‍പ്പ് വില്‍പ്പനയില്‍ 1.95% ഇടിവ്

ഡെല്‍ഹി: ഹീറോ മോട്ടോകോര്‍പ്പ് 2022 സെപ്റ്റംബറില്‍ 5,19,980 വാഹനങ്ങള്‍ വിറ്റഴിച്ചുകൊണ്ട് മൊത്തം വില്‍പ്പനയില്‍ 1.95 ശതമാനം ഇടിവ് രേഖപ്പെടുത്തി. കഴിഞ്ഞ വര്‍ഷം ഇതേ മാസത്തില്‍ 5,30,346 വാഹനങ്ങളാണ് വിറ്റഴിച്ചതെന്ന് ഹീറോ മോട്ടോകോര്‍പ്പ് അറിയിച്ചു. 2021 സെപ്റ്റംബറിലെ 5,05,462 എണ്ണവുമായി താരതമ്യപ്പെടുത്തുമ്പോള്‍ ആഭ്യന്തര വില്‍പ്പന കഴിഞ്ഞ മാസം 5,07,690 എണ്ണമായി ഉയര്‍ന്നു. എന്നിരുന്നാലും, കയറ്റുമതി മുന്‍ വര്‍ഷം രേഖപ്പെടുത്തിയ 24,884 എണ്ണത്തില്‍ നിന്ന് 12,290 എണ്ണമായി കുറഞ്ഞതായി കമ്പനി അറിയിച്ചു.