യുദ്ധ൦ പോലെ തന്നെ, ഉയർന്ന പലിശയും ലോകത്തിനു ഭീഷണി, ലോക ബാങ്ക് മേധാവി

പശ്ചിമേഷ്യൻ സംഘട്ടനമാണ്  പ്രത്യക്ഷത്തിൽ  ഇപ്പോൾ ലോക സമ്പദ് ഘടനക്കു വലിയ ഭീഷണിയായി നിൽക്കുന്നതെങ്കിലും,അതിനെ ദോഷമായി ബാധിക്കുന്ന  മറ്റു പല ഘടകങ്ങളും സജ്ജീവമാണന്നു ലോക ബാങ്കിന്റെ പ്രസിഡന്റ് അജയ് ബംഗാ. 

`` യു എസ് 10 വർഷ കാലാവധിയുള്ള കടപത്രത്തിന്റെ നിരക്ക് കഴിഞ്ഞ ദിവസം 5 ശതമാനം കടന്നു. അങ്ങനെ ഒരു പ്രതീക്ഷ ഞങ്ങൾക്കില്ലായിരുന്നു. അങ്ങനെയുള്ള പല  അപകടങ്ങളും  ഇപ്പോൾ പതിയിരിക്കുന്നുണ്ട് .'' ലോകം ആകമാനം വായ്‌പ്പാ നിരക്കുകൾ ഉയർന്നു നിൽക്കുന്നതിനെ സൂചിപ്പിച്ചുകൊണ്ട്  അദ്ദേഹം പറഞ്ഞു. 

അത് ( ഉയർന്ന വായ്‌പ്പാ നിരക്കുകൾ) സാമ്പത്തിക മാന്ദ്യത്തിലേക്ക് നയിക്കാവുന്ന ഒരു ഭീഷണി ആണ്,'' അജയ് ബംഗാ പറഞ്ഞു. 

അടുത്ത മഹാമാരിക്ക് മുമ്പ് ഇനിയും എത്ര നാളുകൾ ഉണ്ടന്നുള്ളതാണ്  ലോക സമ്പദ് ഘടന നേരിടുന്ന മറ്റൊരു പ്രശ്നം. 

റിയാദിൽ നടന്ന  ഫ്യുച്ർ ഇൻവെസ്റ്റ്മെന്റ്  ഇൻഷിയെറ്റിവ് ( ഫ് ഐ ഐ ) സംബന്ധിച്ച പരിപാടിയിൽ സംസാരിക്കുകായായിരുന്നു അജയ് ബംഗാ. 

`` രാജ്യങ്ങൾ തമ്മിൽ നിലനിൽക്കുന്ന രാഷ്ട്രീയ ഭിന്നതകൾ ഇപ്പോൾ ഇസ്രയേലിലും, ഗാസയിലെ നടക്കുന്നതുപോലെ യുദ്ധങ്ങളായി വളരുന്നു നിങ്ങൾ കാണുന്നുണ്ട്. നിങ്ങളുടെ കാഴ്ചക്ക് അപ്പുറവും പലതും നടക്കുന്നു . ഇതിന്റെയെല്ലാം ഫലങ്ങൾ ഒരുമിച്ചു വരുമ്പോൾ അത് സാമ്പത്തിക വികസനത്തിൽ ഉണ്ടാക്കുന്ന ആഘാതങ്ങൾ നമ്മൾ പ്രതീക്ഷിക്കുന്നതിലും വലുതായിരിക്കും,'' ലോക ബാങ്ക് മേധാവി പറഞ്ഞു. 

ഇതിന്റെ ഫലം എല്ലാവരും ആനിനുഭവിക്കേണ്ടി വരും, ആർക്കും അതിൽ നിന്ന് രക്ഷനേടാൻ കഴിയുകയില്ല., അജയ് ബംഗാ പറഞ്ഞു. 

``ഇതിൽ  ഒരു കൂട്ടരേ കുറ്റക്കാരായി കാണാനും, മറ്റുള്ളവരുടെ പങ്കു അവഗണിക്കാനും മറ്റും ഞാൻ വളരെ ശ്രദ്ധാലു ആയിരിക്കണം. ''

കുറച്ചു കാലങ്ങൾക്കു മുമ്പ് വികസിത രാജ്യങ്ങളിൽ, സംഗതികൾ നമ്മൾ വിചാരിച്ചിരുന്നതിലും മെച്ചമായിരുന്നങ്കിൽ, ``ഇപ്പോൾ നാമെല്ലാം അപകടകരമായ ഒരു പ്രതിസന്ധിയിലാണ് .'' 

വികസിത സമ്പദ് ഘടനകൾക്കു സ്വകാര്യ നികേഷ്‌പങ്ങൾ ഉണ്ടങ്കിലേ വളരാൻ ആകു. എന്നാൽ ചില രാജ്യങ്ങളിലെ രാഷ്ട്രീയ കാലാവസ്ഥ ഈ നിക്ഷേപങ്ങളുടെ വരവിനു തടസമായി നിൽക്കുന്നു