ക്രിപ്‌റ്റോകറൻസികൾ നിയന്ത്രിക്കുന്നതിനുള്ള ഹർജി നിരസിച്ച് സുപ്രീം കോടതി

ക്രിപ്റ്റോ കറൻസികളുടെ വ്യാപാരവും ഖനനവും (പുതിയ നാണയങ്ങൾ സൃഷ്ടിക്കുകയും പുതിയ ഇടപാടുകൾ പരിശോധിക്കുകയും ചെയ്യുക) നിയന്ത്രിക്കുന്നതിനുള്ള മാർഗ നിർദേശങ്ങൾ രൂപികരിക്കാൻ കേന്ദ്രത്തിൻ്റെ  നിർദ്ദേശം നല്കണമെന്ന് ആവശ്യപ്പെട്ട്  സമർപ്പിച്ച ഹർജി സുപ്രീം കോടതി നിരസിച്ചു.

വെർച്യുൽ കറൻസി ആയ ക്രിപ്റ്റോ കറൻസികൾ ആർ ബി ഐ യുടെ നിയന്ത്രണത്തിനു പുറത്താണ്. 

ഹർജിയിൽ ആവശ്യപ്പെട്ടിട്ടുള്ള അഞ്ചു കാര്യങ്ങളും  നിയമനിർമ്മാണ നിർദ്ദേശത്തിൻ്റെ കീഴിലുളളതാണെന്ന് ചീഫ്  ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് പറഞ്ഞു.

ഭരണഘടനയുടെആർട്ടിക്കിൾ 32 പ്രകാരമാണ് ഹർജി (തങ്ങളുടെ അവകാശങ്ങൾ ലംഘിക്കപ്പെടുമ്പോൾ പരിഹാരത്തിനായി നേരിട്ട് സുപ്രീം കോടതിയെ സമീപിക്കാൻ ഇത് വ്യക്തികൾക്ക് അധികാരം നൽകുന്നു). എന്നാൽ ഇത് ഹർജിക്കാരന് എതിരെ നിലനിൽക്കുന്ന നടപടികളിൽ ജാമ്യം തേടുകയാണ് ലക്ഷ്യം  എന്ന് വ്യക്തമാക്കുന്നുവെന്ന് ജസ്റ്റിസുമാരായ ജെ ബി പർദിവാല, മനോജ് മിശ്ര എന്നിവരടങ്ങിയ ബെഞ്ച് നിരീക്ഷിച്ചു.

അതിനാൽ ഞങ്ങൾക്ക് ആർട്ടിക്കിൾ 32 പ്രകാര൦ ഈ കേസിൽ നടപടി സ്വീകരിക്കാൻ കഴിയില്ല.. പ്രധാന ആശ്വാസങ്ങളെ സംബന്ധിച്ചിടത്തോളം, അവ നിയമനിർമ്മാണ ദിശയുടെ സ്വഭാവമാണ്. ഭരണഘടനയുടെ ആർട്ടിക്കിൾ 32 പ്രകാരം ഈ പരാതിയിൽ  ഉത്തരവു പുറപ്പെടുവിക്കാൻ കോടതിക്ക്  കഴിയില്ല,” ബെഞ്ച്  പുറപ്പെടുവിച്ച ഉത്തരവിൽ പറഞ്ഞു.

"നിയമത്തിന് അനുസൃതമായി തൻ്റെ പ്രതിവിധികൾ പിന്തുടരാൻ ഹർജിക്കാരന് സ്വാതന്ത്ര്യം അനുവദിച്ചുകൊണ്ട് ഞങ്ങൾ ഹർജി തീർപ്പാക്കുന്നു"  എന്നും ഇതിൽ പറയുന്നു.

ഉത്തർപ്രദേശ്  സ്വദേശിയായ ഹർജിക്കാരൻ സമർപ്പിച്ച  ഹർജിയിൽ ആവശ്യപ്പെട്ട ആവലാതികളിൽ  ഡിജിറ്റൽ ആസ്തികൾ/ക്രിപ്‌റ്റോകറൻസികൾ എന്നിവയുമായി ബന്ധപ്പെട്ട കേസുകളിൽ  പ്രോസിക്യൂഷാനു  നിർദ്ദേശവും നൽകണമെന്ന ആവശ്യവും ഉണ്ടെന്നു  ബെഞ്ച് ചൂണ്ടിക്കാട്ടി. അതിലും ഇടപെടാൻ കോടതിക്ക് കഴിയില്ലെന്ന് ബഞ്ച് പരാതിക്കാരനെ അറിയിച്ചു