ഉദാരമായ എഫ്ഡിഐ നയം ആവശ്യപ്പെട്ട് ബഹിരാകാശ വ്യവസായം

ബഹിരാകാശ വ്യവസായം യൂണിയന്‍ ബജറ്റില്‍ ലിബറല്‍ എഫ്ഡിഐ നയം, പിഎല്‍ഐ പദ്ധതി എന്നിവ തേടുന്നു. ഉപഗ്രഹങ്ങള്‍, വിക്ഷേപണ വാഹനങ്ങള്‍, ഗ്രൗണ്ട് എക്യുപ്മെന്റ് നിര്‍മ്മാണം എന്നിവയ്ക്ക് ജിഎസ്ടി ഇളവ്, വിദേശ വാണിജ്യ വായ്പകള്‍ക്കുള്ള കുറഞ്ഞ നികുതി തുടങ്ങിയവയും വ്യവസായ സംഘടനയായ ഇന്ത്യന്‍ സ്പേസ് അസോസിയേഷന്‍ (ഐഎസ്പിഎ) ആവശ്യപ്പെട്ടിട്ടുണ്ട്.

'ബഹിരാകാശ മേഖലയില്‍ കൂടുതല്‍ ഉദാരമായ എഫ്ഡിഐ ( നേരിട്ടുള്ള വിദേശ നിക്ഷേപം) നയം പ്രാപ്തമാക്കുന്നതിനാണ് ഞങ്ങളുടെ പ്രതീക്ഷ. നിലവില്‍, എഫ്ഡിഐയുടെ ഒരു ശതമാനം പോലും ഗവണ്‍മെന്റ് അംഗീകാര വഴിയിലൂടെ പോകേണ്ടതുണ്ട്. അതിന് മാസങ്ങളോളം എടുക്കും,' ബെംഗളൂരു ആസ്ഥാനമായുള്ള സ്റ്റാര്‍ട്ടപ്പായ പിക്സലിന്റെ സ്ഥാപകനും സിഇഒയുമായ അവൈസ് അഹമ്മദ് പറഞ്ഞു.

'പ്രതിരോധ മേഖലയ്ക്ക് ഓട്ടോമാറ്റിക് റൂട്ടിലൂടെ 74 ശതമാനം എഫ്ഡിഐ ഉണ്ട്. അതിനപ്പുറം വേണമെങ്കില്‍ നിങ്ങള്‍ സര്‍ക്കാര്‍ റൂട്ടിലേക്ക് പോകണം. പ്രതിരോധ മേഖലയുടെ പ്രാധാന്യം ഈ വ്യവസായത്തിനും നല്‍കണം. വ്യവസായത്തിന്റെ വളര്‍ച്ചക്കായി ബാഹ്യ മൂലധനം ലഭ്യമാക്കണം' അഹമ്മദ് പറഞ്ഞു.

ബഹിരാകാശ കമ്പനികള്‍ കൂടുതല്‍ കാര്യങ്ങള്‍ വികസിപ്പിക്കാനും നിര്‍മ്മിക്കാനും ശ്രമിക്കുന്നു, ബഹിരാകാശ നിര്‍മ്മാണത്തിനായി പ്രൊഡക്ഷന്‍-ലിങ്ക്ഡ് ഇന്‍സെന്റീവ് (പിഎല്‍ഐ) പദ്ധതിയും അദ്ദേഹം തേടി.

ഘടകങ്ങള്‍, ഉപഗ്രഹങ്ങള്‍, ക്യാമറകള്‍, ട്രാക്കറുകള്‍ എന്നിങ്ങനെ ബഹിരാകാശ സാങ്കേതികവിദ്യയ്ക്കായി വൈവിധ്യമാര്‍ന്ന കാര്യങ്ങള്‍ നിര്‍മ്മിക്കുന്ന വിതരണക്കാരെയും മറ്റും ഉപയോഗിച്ച് നാം കൂടുതുതല്‍ നവീകരിക്കപ്പെടണം. ഒരു പിഎല്‍ഐ സ്‌കീമിലൂടെ മാത്രമേ അത് നവീകരിക്കാനോ ത്വരിതപ്പെടുത്താനോ കഴിയൂ-അഹമ്മദ് പറഞ്ഞു.

കൃഷി, ദുരന്തനിവാരണം തുടങ്ങിയ ഡൊമെയ്നുകളിലുടനീളം ബഹിരാകാശ സാങ്കേതിക പരിഹാരങ്ങള്‍ അവലംബിക്കുന്നതിന് ഗവണ്‍മെന്റ് പ്രതിജ്ഞാബദ്ധരാകണമെന്നും വ്യവസായ സ്ഥാപനം ആഗ്രഹിക്കുന്നു.

''ഇപ്പോള്‍, ഈ വാഗ്ദാനമായ വ്യവസായത്തെ നവീകരിക്കുന്നതിനും സമഗ്രമായ ഒരു നിയന്ത്രണ ചട്ടക്കൂട് വികസിപ്പിക്കുന്നതിനും നിലവിലുള്ള സാമ്പത്തിക, നികുതി വെല്ലുവിളികള്‍ പരിഹരിക്കുന്നതിനും സര്‍ക്കാരിന് ഇക്കാര്യങ്ങള്‍ നിര്‍ണായകമാണ്,'' ഐഎസ്പിഎ ഡയറക്ടര്‍ ജനറല്‍ ലഫ്റ്റനന്റ് ജനറല്‍ (റിട്ട) എ.കെ.ഭട്ട് പറഞ്ഞു.

2033-ഓടെ രാജ്യത്തിന്റെ ബഹിരാകാശ സമ്പദ്വ്യവസ്ഥ 44 ബില്യണ്‍ ഡോളറായി ഉയരുമെന്നാണ് വിദഗ്ധരുടെ കണക്കുകൂട്ടല്‍.