കേരള കമ്പനികൾ ഇന്ന്; മിന്നൽക്കുതിപ്പുമായി മണപ്പുറം ഓഹരി

കേരളാ കമ്പനികളില്‍ മണപ്പുറം ഫിനാൻസ് ഓഹരികളായിരുന്നു ഇന്ന് മികച്ച നേട്ടം നൽകിയത്. മുൻ ദിവസത്തെ ക്ലോസിംഗിൽ നിന്നും 8.50 ശതമാനം ഉയർന്ന ഓഹരികൾ 193.29 രൂപയിലാണ് വ്യാപാരം അവസാനിപ്പിച്ചത്. ഇതോടെ കമ്പനിയുടെ വിപണി മൂല്യം 5.20 കോടി രൂപയിലെത്തി. ഓഹരികളുടെ 52 ആഴ്ച്ചയിലെ ഉയർന്ന വില 230.40 രൂപയും താഴ്ന്ന വില 138.35 രൂപയുമാണ്.

കല്യാൺ ജൂവലേഴ്‌സ് ഓഹരികൾ 3.19 ശതമാനം ഉയർന്ന് 504 രൂപയിൽ ക്ലോസ് ചെയ്തു. ഈസ്റ്റേൺ ട്രെഡ്‍സ് ഓഹരികൾ 1.29 ശതമാനം നേട്ടത്തോടെ 37.66 രൂപയിലെത്തി. ഫെഡറൽ ബാങ്ക് ഓഹരികൾ 0.29 ശതമാനം വർധനയോടെ 181.53 രൂപയിൽ വ്യാപാരം അവസാനിപ്പിച്ചു. വി- ഗാർഡ് ഇൻഡസ്ട്രീസ് ഓഹരികൾ 0.22 ശതമാനം നേട്ടത്തോടെ 340.90 രൂപയിൽ വ്യാപാരം അവസാനിപ്പിച്ചു.

കിറ്റക്സ് ഓഹരികൾ 5.00 ശതമാനം ഇടിഞ്ഞ് 200.27 രൂപയിൽ ക്ലോസ് ചെയ്തു. വണ്ടർലാ ഓഹരികൾ 4.41 ശതമാനം ഇടിവോടെ 639.95 രൂപയിലെത്തി. കേരള ആയുർവേദ ഓഹരികൾ 9.99 ശതമാനം നഷ്ടം നൽകി 336.45 രൂപയിൽ വ്യാപാരം അവസാനിപ്പിച്ചു. മുത്തൂറ്റ് മൈക്രോഫിൻ ഓഹരികൾ 4.14 ശതമാനം താഴ്ന്ന് 137.45 രൂപയിൽ ക്ലോസ് ചെയ്തു. സിഎസ്‌ബി ഓഹരികൾ 2.782 ശതമാനം ഇടിവോടെ 280.85 രൂപയിലെത്തി.