ഡോളറിനെതിരെ രൂപയുടെ മൂല്യം 75.35 ആയി കുറഞ്ഞു

റഷ്യയും ഉക്രെയ്‌നും തമ്മിലുള്ള സംഘർഷങ്ങൾക്കിടയിൽ ക്രൂഡ് ഓയിൽ വില ഉയരുന്നതിനാൽ തിങ്കളാഴ്ച യുഎസ് ഡോളറിനെതിരെ രൂപയുടെ മൂല്യം 2 പൈസ ഇടിഞ്ഞ് 75.35 എന്ന നിലയിലെത്തി.

സുസ്ഥിരമായ വിദേശ മൂലധന ഒഴുക്ക് നിക്ഷേപകരുടെ വികാരത്തെ ബാധിച്ചതായി ഫോറെക്സ് വ്യാപാരികൾ പറഞ്ഞു.

ഇന്റര്‍ബാങ്ക് ഫോറിന്‍ എക്‌സ്‌ചേഞ്ച് വിപണിയിൽ വ്യാപാരം ആരംഭിച്ചപ്പോള്‍ ഡോളറിനെതിരെ 75.73 എന്ന നിലയിലായിരുന്നു രൂപയുടെ മൂല്യം. എന്നാല്‍ വൈകിട്ട് മൂന്നരയോടെ നഷ്ടത്തിൽ ഭൂരിഭാഗവും തിരിച്ചുപിടിച്ചു 75.35 എന്ന നിലയിൽ എത്തി. മുൻ ക്ലോസിംഗിനെക്കാൾ 2 പൈസയുടെ കുറവ്.

റഷ്യ- യുക്രെയിന്‍ യുദ്ധം ശക്തമായിരിക്കുന്ന പശ്ചാത്തലത്തില്‍ ഇന്ന് ആഗോള എണ്ണ മാനദണ്ഡമായ ബ്രെന്റ് ക്രൂഡ് ഫ്യൂച്ചറുകൾ 5.46 ശതമാനം ഉയർന്ന് ബാരലിന് 103.28 ഡോളറിലെത്തി.

ആഭ്യന്തര ഓഹരി വിപണിയില്‍ സെന്‍സെക്‌സ് 388.76 പോയിന്റ് ഉയര്‍ന്ന് 56,247.28ല്‍ ക്ലോസ് ചെയ്തു. അതേസമയം നിഫ്റ്റി 135.50 പോയിന്റ് (0.81%) ഉയര്‍ന്ന് 16,793.90 എന്ന നിലയിലേക്കുമെത്തി. നിഫ്റ്റിയില്‍ 33 ഓഹരികള്‍ മുന്നേറിയപ്പോള്‍ 17 എണ്ണം താഴേക്ക് പോയി. എക്‌സ്‌ചേഞ്ച് ഡാറ്റ പ്രകാരം യുക്രെയിന്‍ പ്രതിസന്ധിയെത്തുടര്‍ന്ന് വിദേശ സ്ഥാപന നിക്ഷേപകര്‍ ഇന്ത്യന്‍ മൂലധന വിപണിയില്‍ 4,470.70 കോടി രൂപയുടെ ഓഹരികളാണ് വെള്ളിയാഴ്ച വിറ്റത്.