രാമക്ഷേത്രം സന്ദര്‍ശിക്കാന്‍ കൊറിയക്കാര്‍, കാരണം ഈ ഐതിഹ്യം
- സരയൂനദീതീരത്തെ ഹിയോ ഹ്വാങ്-ഓക്ക് രാജ്ഞിയുടെ സ്മാരകം സന്ദര്‍ശിക്കാന്‍ കൊറിയക്കാര്‍ എത്തുന്നു
- രാമക്ഷേത്രത്തിന് സമീപമാണ് ഈ സ്മാരകം
- ആദ്യദിനം തന്നെ ക്ഷേത്രദര്‍ശനം നടത്തിയവരില്‍ കൊറിയക്കാര്‍ ഉള്‍പ്പെടുന്നു
അയോധ്യ അധ്യാത്മിക ടൂറിസത്തിന്റെ ഉന്നതിയിലാണ്. ആഭ്യന്തര യാത്രകരും ഭക്തരും വിദേശ സഞ്ചാരികളും ഈ നഗരം കടന്നു പോകുന്നു. ഇപ്പോള്‍ ഒരുദവസംതന്നെ ലക്ഷങ്ങള്‍ ഇവിടം സന്ദര്‍ശിക്കുന്നതായാണ് റിപ്പോര്‍ട്ടുകള്‍. പരിമിതമായ സൗകര്യങ്ങളിലും തിരക്കേറുന്നു എന്നത് ശ്രദ്ധേയം.
ഒപ്പം എല്ലാവിധ ബിസിനസുകളും ഈ നഗരത്തില്‍ തുടങ്ങുകയും വളരുകയും ചെയ്യുന്നു. ഇതിനൊപ്പമാണ് ദക്ഷിണ കൊറിയയിലുള്ളവര്‍ കൂടുതലായി അയോധ്യ സന്ദര്‍ശിക്കാനൊരുങ്ങുന്നത്.
കൊറിയയിലെ ഐതിഹ്യത്തിന്റെ ഭാഗമായാണ് അവര്‍ ഈ നഗരം സന്ദര്‍ശിക്കാന്‍ ഒരുങ്ങുന്നത്. ഒപ്പം അയോധ്യയില്‍ ഉയര്‍ന്ന രാമക്ഷേത്രം കാണുവാനും അവര്‍തയ്യാറെടുക്കുകയാണ്. ഈ മാസം 22ന് അയോധ്യയിലെ പ്രാണപ്രതിഷ്ഠ കൊറിയയില്‍ പലസ്ഥലത്തും തല്‍സമയം വീക്ഷിച്ചത് ഈ ഐതിഹ്യം കാരണമാണ്.
ഏകദേശം രണ്ടായിരം വര്‍ഷങ്ങള്‍ക്ക് മുമ്പ് അയോധ്യയില്‍ നിന്നുള്ള ഒരു കൗമാരക്കാരിയായ രാജകുമാരി ഒരു ബോട്ടില്‍ സമുദ്രം കടന്ന് കൊറിയില്‍ എത്തിയതും അവിടുത്തെ രാജകുമാരനായ കിം സുറോയെ വിവാഹം കഴിച്ചതുമായ ഐതിഹ്യമാണ് അവരെ അയോധ്യയുമായി ബന്ധപ്പെടുത്തുന്നത്. സൂരിരത്‌ന എന്ന രാജകുമാരി പിന്നീട് ഹീയോ ഹ്വാങ്-ഓക്ക് രാജ്ഞിയായി.
ഈ കഥ പക്ഷെ ഇന്ത്യയില്‍ പ്രചാരത്തിലില്ല. ദക്ഷിണ കൊറിയയിലെ 60 ലക്ഷത്തോളം ആളുകള്‍, സൂരിരത്നയുടെ പിന്‍ഗാമികള്‍ എന്ന് സ്വയം കരുതുന്നു. അയോധ്യയെ അവരുടെ മാതൃഭവനമായി കണക്കാക്കുന്നു.
പുതിയ രാമക്ഷേത്ര സമുച്ചയം അടുത്ത് കാണുന്നതിനായി അയോധ്യ സന്ദര്‍ശിക്കാനായി അവര്‍ക്ക് കാത്തിരിക്കാനാവില്ല.ഉത്തര്‍പ്രദേശിന്റെ പങ്കാളിത്തത്തോടെ 2001-ല്‍ അയോധ്യയിലെ സരയൂ നദിയുടെ തീരത്ത് സ്ഥാപിച്ച ക്യൂന്‍ ഹിയോ മെമ്മോറിയല്‍ പാര്‍ക്കിലെ ഹിയോ ഹ്വാങ്-ഓക്ക് രാജ്ഞിയുടെ സ്മാരകം സന്ദര്‍ശിക്കാന്‍ കാരക് വംശത്തിലെ നിരവധി അംഗങ്ങള്‍ എല്ലാ വര്‍ഷവും അയോധ്യ സന്ദര്‍ശിക്കുന്നുണ്ട്.
''ഞങ്ങളുടെ മുത്തശ്ശിയുടെ വീടായി കാണുന്നതിനാല്‍ അയോധ്യ ഞങ്ങള്‍ക്ക് വളരെ സവിശേഷമാണ്,'' സെന്‍ട്രല്‍ കാരക് ക്ലാന്‍ സൊസൈറ്റിയുടെ സെക്രട്ടറി ജനറല്‍ കിം ചില്‍-സു പറഞ്ഞു. ക്വീന്‍ ഹിയോ മെമ്മോറിയല്‍ പാര്‍ക്കില്‍ നിന്ന് ഏതാനും കിലോമീറ്റര്‍ അകലെയുള്ള ക്ഷേത്രത്തിലെ രാം ലല്ലയുടെ പുതിയ വിഗ്രഹത്തിന്റെ ജനുവരി 22-ന് നടന്ന 'പ്രാന്‍ പ്രതിഷ്ഠ' ചടങ്ങില്‍ പങ്കെടുത്തവരില്‍ അദ്ദേഹവും ഉള്‍പ്പെടുന്നു.
2,000 ചതുരശ്ര മീറ്റര്‍ വിസ്തൃതിയില്‍ വ്യാപിച്ചുകിടക്കുന്ന പാര്‍ക്കില്‍ ഒരു ധ്യാന ഹാള്‍, രാജ്ഞിക്കും രാജാവിനും സമര്‍പ്പിച്ചിരിക്കുന്ന പവലിയനുകള്‍, പാതകള്‍, ഒരു ജലധാര, ചുവര്‍ചിത്രങ്ങള്‍, ഓഡിയോ വീഡിയോ സൗകര്യങ്ങള്‍ എന്നിവ ഉള്‍പ്പെടുന്നു. ടൈല്‍ പാകിയ ചരിഞ്ഞ മേല്‍ക്കൂരയുള്ള സാധാരണ കൊറിയന്‍ ശൈലിയിലാണ് പവലിയനുകള്‍ നിര്‍മ്മിച്ചിരിക്കുന്നത്.
'സ്മാരകത്തില്‍ ആദരാഞ്ജലികള്‍ അര്‍പ്പിക്കാന്‍ ഞങ്ങള്‍ എല്ലാ വര്‍ഷവും അയോധ്യ സന്ദര്‍ശിക്കുന്നു. ഇത്തവണ പുതിയ രാമക്ഷേത്രത്തിലേക്കും പോകാന്‍ ഞങ്ങള്‍ പദ്ധതിയിടുന്നു. ഞങ്ങള്‍ ചടങ്ങ് ഓണ്‍ലൈനില്‍ കണ്ടു. അത് എന്തൊരു വികാരമായിരുന്നു',യു-ജിന്‍ ലീ പറഞ്ഞു.