ഹൈ സ്പീഡ് ഇവി ചാര്‍ജറുകള്‍ക്കായി ചാര്‍ജ് സോണുമായി സഹകരിച്ച് ഹ്യുണ്ടായ്
- ചാര്‍ജ് സോണ്‍ ഇന്ത്യയിലെ 100 ഹ്യുണ്ടായ് ഡീലര്‍ഷിപ്പുകളില്‍ ഡിസി 60 കിലോ വാട്ട് ഫാസ്റ്റ് ചാര്‍ജറുകള്‍ സ്ഥാപിക്കും
- രാജ്യത്ത് പൊതു ഇവി ചാര്‍ജിംഗ് ഇന്‍ഫ്രാസ്ട്രക്ചര്‍ വിപുലീകരിക്കാന്‍ സഹായിക്കുകയാണ് തന്ത്രപരമായ പങ്കാളിത്തം ലക്ഷ്യമിടുന്നതെന്ന് ഹ്യുണ്ടായ് മോട്ടോര്‍ ഇന്ത്യ
- ഇന്ത്യയുടെ കാര്‍ബണ്‍ ന്യൂട്രാലിറ്റി ലക്ഷ്യങ്ങള്‍ കൈവരിക്കുന്നതിനും തന്ത്രപരമായ സഖ്യങ്ങള്‍ നിര്‍ണായകമാണ്
ഇലക്ട്രിക് വാഹനങ്ങള്‍ക്ക് ചാര്‍ജിംഗ് ഇന്‍ഫ്രാസ്ട്രക്ചര്‍ സജ്ജീകരിക്കുന്നതിന് ചാര്‍ജ് സോണുമായി സഹകരിച്ചതായി ഹ്യൂണ്ടായ് മോട്ടോര്‍ ഇന്ത്യ അറിയിച്ചു. ഒരു മെമ്മോറാണ്ടം ഓഫ് അണ്ടര്‍സ്റ്റാന്‍ഡിംഗ് പ്രകാരം ചാര്‍ജ് സോണ്‍ ഇന്ത്യയിലെ 100 ഹ്യുണ്ടായ് ഡീലര്‍ഷിപ്പുകളില്‍ ഡിസി 60 കിലോ വാട്ട് ഫാസ്റ്റ് ചാര്‍ജറുകള്‍ സ്ഥാപിക്കും.
രാജ്യത്ത് പൊതു ഇവി ചാര്‍ജിംഗ് ഇന്‍ഫ്രാസ്ട്രക്ചര്‍ വിപുലീകരിക്കാന്‍ സഹായിക്കുകയാണ് തന്ത്രപരമായ പങ്കാളിത്തം ലക്ഷ്യമിടുന്നതെന്ന് ഹ്യുണ്ടായ് മോട്ടോര്‍ ഇന്ത്യ പ്രസ്താവനയില്‍ പറഞ്ഞു.
ഈ പൊതു ഇവി ചാര്‍ജിംഗ് സ്റ്റേഷനുകള്‍ എല്ലാ ഇവി ഉപയോക്താക്കള്‍ക്കും നഗരങ്ങളിലും ഹൈവേകളിലും ഉടനീളമുള്ള ഡീലര്‍ഷിപ്പുകളുടെ ലൊക്കേഷനുകള്‍ കണക്കിലെടുത്ത് ഇന്റര്‍സിറ്റി, ഇന്‍ട്രാസിറ്റി യാത്രകള്‍ക്കുള്ള സൗകര്യം നല്‍കും.
ഇന്ത്യ ഇലക്ട്രിക് മൊബിലിറ്റി കൂടുതല്‍ സ്വീകരിക്കാന്‍ ലക്ഷ്യമിടുന്നതിനാല്‍, റേഞ്ച് ഉത്കണ്ഠയെ നേരിടാനും ഇലക്ട്രിക് മൊബിലിറ്റി സ്വീകരിക്കുന്നതിലേക്ക് ഉപഭോക്തൃ മുന്‍ഗണന വര്‍ദ്ധിപ്പിക്കാനും ഇവി ചാര്‍ജിംഗ് ഇന്‍ഫ്രാസ്ട്രക്ചര്‍ ശക്തിപ്പെടുത്തുന്നതും ഒരുപോലെ പ്രധാനമാണെന്ന് ഹ്യൂണ്ടായ് മോട്ടോര്‍ ഇന്ത്യ ഫംഗ്ഷന്‍ ഹെഡ് കോര്‍പ്പറേറ്റ് പ്ലാനിംഗ് ജെയ് വാന്‍ റ്യൂ പറഞ്ഞു.
ഉപഭോക്താക്കള്‍ ഇലക്ട്രിക് മൊബിലിറ്റി സൊല്യൂഷനുകള്‍ സ്വീകരിക്കുന്നത് ത്വരിതപ്പെടുത്തുന്നതിനും ഇന്ത്യയുടെ കാര്‍ബണ്‍ ന്യൂട്രാലിറ്റി ലക്ഷ്യങ്ങള്‍ കൈവരിക്കുന്നതിനും തന്ത്രപരമായ സഖ്യങ്ങള്‍ നിര്‍ണായകമാണെന്നും അദ്ദേഹം കൂട്ടിച്ചേര്‍ത്തു.