ടാറ്റ മോട്ടോഴ്‌സിന് യുപിയില്‍ നിന്നും വന്‍ ഓര്‍ഡര്‍
- ടാറ്റയുടെ ആയിരം ബസ് ചേസിന് യുപിയില്‍നിന്നും ഓര്‍ഡര്‍
- ഘട്ടം ഘട്ടമായി ബസ് ചേസ് വിതരണം ചെയ്യും
- വിശ്വസനീയമായ മൊബിലിറ്റി ടാറ്റ എല്‍പിഒ 1618 ബസ് ചേസ് ഉറപ്പാക്കുന്നു
ആയിരം യൂണിറ്റ് ഡീസല്‍ ബസ് ചേസുകളുടെ വിതരണം ചെയ്യാന്‍ യുപി സ്റ്റേറ്റ് റോഡ് ട്രാന്‍സ്പോര്‍ട്ട് കോര്‍പ്പറേഷനില്‍ നിന്ന് ഓര്‍ഡര്‍ ലഭിച്ചതായി ടാറ്റ മോട്ടോഴ്സ് അറിയിച്ചു.
മത്സരാധിഷ്ഠിത ഇ-ബിഡ്ഡിംഗ് പ്രക്രിയയെ തുടര്‍ന്നാണ് കമ്പനിക്ക് ഓര്‍ഡര്‍ ലഭിച്ചതെന്ന് ടാറ്റ മോട്ടോഴ്സ് പ്രസ്താവനയില്‍ പറഞ്ഞു.
പരസ്പരം സമ്മതിച്ച നിബന്ധനകള്‍ അനുസരിച്ച് ഘട്ടം ഘട്ടമായി ബസ് ചേസ് വിതരണം ചെയ്യുമെന്നും അത് കൂട്ടിച്ചേര്‍ത്തു.
'ഉയര്‍ന്ന പ്രവര്‍ത്തന സമയവും കുറഞ്ഞ അറ്റകുറ്റപ്പണികളും പ്രവര്‍ത്തനച്ചെലവുകളും ഉള്ള കരുത്തുറ്റതും വിശ്വസനീയവുമായ മൊബിലിറ്റി നല്‍കുന്നതിനാണ് ടാറ്റ എല്‍പിഒ 1618 ബസ് ചേസ് രൂപകല്‍പ്പന ചെയ്തിരിക്കുന്നത്. യുപിഎസ്ആര്‍ടിസിയുടെ മാര്‍ഗനിര്‍ദേശപ്രകാരം സപ്ലൈസ് ആരംഭിക്കാന്‍ ഞങ്ങള്‍ ആഗ്രഹിക്കുന്നു,' ടാറ്റ മോട്ടോഴ്സ് ഹെഡ് കൊമേഴ്സ്യല്‍ പാസഞ്ചര്‍ വെഹിക്കിള്‍ ബിസിനസ് ആനന്ദ് എസ് പറഞ്ഞു.
കഴിഞ്ഞ വര്‍ഷം ലഭിച്ച 1,350 ബസ് ചേസുകളുടെ സമാനമായ വലിയ ഓര്‍ഡറിന്റെ വിജയകരമായ പൂര്‍ത്തീകരണത്തെ തുടര്‍ന്നാണ് ഏറ്റവും പുതിയ ഓര്‍ഡര്‍.
നിലവില്‍ യുപിഎസ്ആര്‍ടിസി കാര്യക്ഷമമായി പ്രവര്‍ത്തിക്കുന്നുണ്ടെന്ന് കമ്പനി അറിയിച്ചു.