ഓഡി ജൂൺ മുതൽ വാഹന വില വർദ്ധിപ്പിക്കുന്നു

 വർദ്ധിച്ചുവരുന്ന ഇൻപുട്ട്, ഗതാഗത ചെലവുകളുടെ ആഘാതം നികത്താൻ, ജൂൺ മുതൽ ഇന്ത്യയിലെ വാഹന വില 2 ശതമാനം വരെ വർദ്ധിപ്പിക്കുമെന്ന് ജർമ്മൻ വാഹന നിർമ്മാതാക്കളായ ഓഡി അറിയിച്ചു. വില വർദ്ധന 2024 ജൂൺ 01 മുതൽ പ്രാബല്യത്തിൽ വരുമെന്ന് വാഹന നിർമ്മാതാക്കൾ പ്രസ്താവനയിൽ പറഞ്ഞു.

"ഇൻപുട്ട് ചെലവുകൾ വർദ്ധിക്കുന്നത് മൂലം 2024 ജൂൺ 1 മുതൽ വില 2 ശതമാനം വരെ വർദ്ധിപ്പിക്കാൻ ഞങ്ങളെ നിർബന്ധിക്കുന്നു," ഓഡി ഇന്ത്യാ മേധാവി ബൽബീർ സിംഗ് ധില്ലൺ പറഞ്ഞു.

വാഹന നിർമ്മാതാക്കൾക്കും അതിൻ്റെ ഡീലർ പങ്കാളികൾക്കും സുസ്ഥിരമായ വളർച്ച ഉറപ്പാക്കാനാണ് വില വർദ്ധനയിലൂടെ ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു. "ഉയരുന്ന ചെലവുകളുടെ ആഘാതം ഞങ്ങളുടെ ഉപഭോക്താക്കൾക്ക് കഴിയുന്നത്ര ചെറുതാക്കാനാണ് ഞങ്ങളുടെ ശ്രമം," ധില്ലൻ പറഞ്ഞു.

24 സാമ്പത്തിക വർഷത്തിൽ ഔഡി ഇന്ത്യ 7,027 യൂണിറ്റുകൾ വിൽപ്പന നടത്തി. മൊത്തത്തിൽ 33 ശതമാനം വിൽപ്പന വളർച്ച രേഖപ്പെടുത്തി. A4, Q3, Q5, RS Q8 തുടങ്ങിയ മോഡലുകളാണ് കമ്പനി ഇന്ത്യയിൽ വിൽക്കുന്നത്.